RCB ના આ બોલર પર લાગ્યો ડ્રગ્સ લેવાનો આરોપ, રેવ પાર્ટીમાં રહ્યો હતો હાજર- આ રીતે થયો ખુલાસો

રોયલ ચેલેન્જર્સ બેંગ્લોર(RCB): રોયલ ચેલેન્જર્સ બેંગ્લોરે IPL 2023 ની શરૂઆત જીત સાથે કરી હતી, પરંતુ ટીમને છેલ્લી બે મેચોમાં સતત હારનો સામનો કરવો પડ્યો છે. આરસીબીએ આ સિઝનની ત્રીજી મેચ લખનૌ સામે રમી હતી. આ મેચમાં આવો ખેલાડી RCB ટીમનો ભાગ બન્યો હતો, જેના પર IPL દરમિયાન ડ્રગ્સ લેવાનો આરોપ છે. તે જ સમયે, આ ખેલાડીને 9 વર્ષ પછી IPLમાં પ્લેઈંગ 11માં સામેલ થવાની તક મળી.

આ બોલર પર લાગ્યો ડ્રગ્સ લેવાનો આરોપ 
રોયલ ચેલેન્જર્સ બેંગ્લોરે(RCB) વેઈન પાર્નેલને IPL 2023 માટે તેમની ટીમમાં રિપ્લેસમેન્ટ તરીકે સામેલ કર્યા છે. ફાસ્ટ બોલર રીસ ટોપલીની જગ્યાએ વેઈન પાર્નેલને ટીમમાં તક મળી છે. લખનૌ સામે રમાયેલી મેચમાં વેઈન પાર્નેલને પ્લેઈંગ 11નો ભાગ બનાવવામાં આવ્યો હતો. આ મેચમાં વેઈન પાર્નેલે 4 ઓવરમાં 41 રન આપીને 3 વિકેટ ઝડપી હતી. આ એ જ વેન પાર્નેલ છે જેના પર IPL 2012 દરમિયાન ડ્રગ્સ લેવાનો આરોપ લાગ્યો હતો.

IPL 2012 દરમિયાન રેવ પાર્ટીમાં સામેલ થયો 
વેઈન પાર્નેલ(wayne parnell) 2011માં પહેલીવાર IPLનો ભાગ બન્યો હતો. આ પછી, વર્ષ 2012 માં, તે પુણે વોરિયર્સની ટીમનો ભાગ હતો. આ સીઝન દરમિયાન વેઈન પાર્નેલ તેની ટીમના સાથી રાહુલ શર્મા સાથે રેવ પાર્ટીમાં જોડાયો હતો. જ્યાં પોલીસે તેમને કસ્ટડીમાં લીધા હતા. આ બંને ખેલાડીઓ પર ડ્રગ્સ લેવાનો આરોપ હતો અને ટેસ્ટ પણ પોઝિટિવ આવ્યો હતો. આ પછી, આ બંને ખેલાડીઓએ સ્પષ્ટતા કરી હતી કે તેઓ જે પાર્ટીમાં હાજરી આપવા ગયા હતા તે જન્મદિવસની પાર્ટી હતી, તેઓને રેવ પાર્ટીની જાણ નહોતી. તે જ સમયે, વેઇન પાર્નેલ IPL 2014 થી આ લીગનો ભાગ નહોતો, પરંતુ આ વખતે તેણે 9 વર્ષ પછી રિપ્લેસમેન્ટ તરીકે જોડાયા બાદ પુનરાગમન કર્યું છે.