June 26, 2024
સમગ્ર દેશમાં કોરોનાની સ્થિતિએ હાહાકાર મચાવ્યો છે ત્યારે આવા સમયમાં પરિસ્થિતિ સંપૂર્ણ પણે બેકાબુ બની ગઈ હતી. કોરોનાની બીજી લહેરને કારણે કેટલાય લોકો મોતને ભેટી ચુક્યા છે અને કેટલાય લોકો પુરતી સારવાર અને નિદાનની અપૂરતી સુવિધાના કારણે લોકો આર્થિક અને માનસિક રીતે ભાંગી પડ્યા છે. જયારે આવા સમયમાં કોરોનાની આડઅસરને કારણે એક નવો ગંભીર રોગ મ્યુકરમાઈકોસિસથી લોકો પીડાઈ રહ્યા છે. ત્યારે હવે લોકો બ્લેક ફંગસ અને વ્હાઈટ ફંગસના શિકાર બની રહ્યા છે. ત્યારે ઘણી જગ્યાએ હજુ પણ કોરોનાને ગંભીરતાથી લેવામાં આવતો નથી અને સરેઆમ જ કોરોનાના નિયમોના ધજાગરા ઉડાડતા લોકો નજરે પડી રહ્યા છે.
દેશના કેટલાય રાજ્યોમાં હજુ કોરોનાના કેસો વધી રહ્યા છે. ત્યારે ગુજરાતના બનાસકાંઠા જીલ્લાના થરામા જાણે કોરોનાનો કોઈ ડર જ ન હોય તેવી રીતે ખુલ્લેઆમ કોરોનાની ગાઈડલાઈનના ધજાગરા ઉડાડતા જોવા મળી રહ્યા છે. જેમનો વિડીયો હાલ સોશિયલ મીડિયામાં વાયરલ થઇ રહ્યો છે. જેમાં તમે જોઈ શકો છો કે કેવી રીતે લોકો કોરોનાના નિયમોને નેવે મુકીને માસ્ક વગર જ સરેઆમ નાચી રહ્યા છે. જ્યારે આ લગ્ન સમારોહમાં સેલેબ્રિટી સિંગર દિવ્યા ચૌધરી પણ ઉપસ્થિત રહ્યા હતા એટલું જ નહિ તેઓ માસ્ક વગર જ લગ્નમાં આવેલ લોકો સાથે ફોટા પડાવતા હતા.
હજુ ગુજરાત રાજ્યમાં કોરોનાની બીજી લહેર ખતમ નથી થઇ ત્યાં તો ત્રીજી લહેરની આંશકા સેવાઈ રહી છે. જેને લઈને તંત્ર પણ સક્રિય બન્યું છે અને લગ્ન સમારોહમાં 50 લોકોની માર્યાદિત સંખ્યાને મંજુરી આપવામાં આવી છે. ત્યારે બનાસકાંઠા જીલ્લામાં થરામાં યોજવામાં આવેલ લગ્ન સમારોહમાં જાણે કોઈને કોરોનાનો ડર જ ન હોય તેવી રીતે સરેઆમ કોરોનાના નિયમોના ધજાગરા ઉડાડતા જોવા મળી રહ્યા હતા.
Trending News
આ લગ્ન સમારોહમાં લોકો પોતાની મસ્તીમાં જાણે કે કોરોના ખતમ જ થઇ ગયો હોય તેવી રીતે નાચતા જોવા મળ્યા હતા. આ લગ્ન સમારોહમાં લોકો ભાન ભૂલીને ડીજેના તાલ સાથે નાચી રહ્યા હોય તેવો વિડીઓ પણ સોશિયલ મીડિયામાં વાયરલ થયો છે. વિડીયોમાં તમે પણ સ્પષ્ટ જોઈ શકો છો કે કેવી રીતે લોકો કોરોનાની ગાઈડલાઈનના ખુલ્લેઆમ ધજાગરા ઉડાડતા નજરે પડી રહ્યા છે.
જોવા જઈએ તો ફક્ત લોકો જ નહિ પરંતુ બનાસકાંઠા જીલ્લાના થરામાં યોજવામાં આવેલ આ લગ્ન સમારોહમાં સિંગર દિવ્યા ચૌધરી પણ ઉપસ્થિત રહ્યા હતા. વીડીઓમાં સ્પષ્ટ દેખાઈ રહ્યું છે કે તેઓ પણ લોકોની સાથે આ લગ્ન સમારોહમાં માસ્ક વગર જ નાચી રહ્યા છે જયારે લગ્ન પ્રસંગમાં ઉપસ્થિત લોકો સિંગર દિવ્યા ચૌધરી સાથે ફોટો પડાવી રહ્યા છે.
સિંગર દિવ્યા ચૌધરી પોતાની ભાન ભૂલીને ખુલ્લેઆમ કોરોનાની ગાઈડલાઈનના ધજાગરા ઉડાડતા નજરે પડી રહ્યા છે. જેમાં તેમણે નથી માસ્ક પહેર્યું કે નથી સામાજિક અંતર જાળવ્યું. ગયા વર્ષે મોટા ઉપાડે કોરોના વોરિયર બનવાની વાતો કરનાર આ મહિલા સિંગરે હવે નિયમોને નેવે મુકીને પોતે પણ માસ્ક ન પહેરીને લોકોને ઉદાહરણ આપવાને બદલે માસ્ક ન પહેરનારાઓને પ્રોત્સાહન આપ્યું છે. આ બધું જોતા હવે તંત્ર સામે પણ અનેક પ્રશ્નો ઉદભવી રહ્યા છે જાણે કે તંત્ર ઘોર નિંદ્રામાં સુઈ રહ્યું હોય.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.