10 હજારથી ઓછી કિંમતમાં સ્માર્ટફોન: 12GB RAM, પ્રીમિયમ ફોન જેવી ડિઝાઇન- જાણો અનેક ખાસિયતો

Poco C61 launch Price and Features: Pocoએ ભારતમાં વધુ એક બજેટ ફ્રેન્ડલી સ્માર્ટફોન લોન્ચ કર્યો છે. કંપનીએ તેને પોકો C61ના નામથી માર્કેટમાં લોન્ચ કર્યો છે.આ મોબાઈલની પાછળની બાજુએ ‘રેડિયન્ટ રિંગ ડિઝાઇન’ જોઈ શકાય છે. જે અત્યાર સુધી આ પ્રાઇસ રેન્જમાં અન્ય કોઈ સ્માર્ટફોનમાં જોવા નથી મળી.આ ઉપરાંત, ફોનમાં 6GB રેમ અને 6GB વર્ચ્યુઅલ રેમ પણ છે. તદનુસાર, તમને ફોનમાં કુલ 12GB રેમનો સપોર્ટ મળશે. આ સિવાય C61માં(Poco C61 launch Price and Features) 90Hz રિફ્રેશ રેટ અને 5,000mAh બેટરી મળી રહી છે. ત્યારે વધુમાં ચાલો જાણીએ ફોનના અન્ય ફીચર્સ અને કિંમત.

Poco C61ની વિશિષ્ટતાઓ
Poco C61માં 720 x 1650 પિક્સલ રિઝોલ્યુશન સાથે 6.71-ઇંચની મોટી IPS LCD ડિસ્પ્લે છે. ડિસ્પ્લે 90Hz રિફ્રેશ રેટને સપોર્ટ કરે છે, જે ઘણા બજેટ ફોનમાં જોવા મળતા 60Hz ડિસ્પ્લે કરતાં વધુ સારો અનુભવ આપે છે. ફોનને પાવર આપવા માટે તેમાં MediaTek Helio G36 પ્રોસેસરનો ઉપયોગ કરવામાં આવ્યો છે. તે એક ઓક્ટા-કોર ચિપસેટ છે જે રોજિંદા ઉપયોગ માટે રચાયેલ છે અને તે કોઈપણ મુશ્કેલી વિના મૂળભૂત ગેમિંગ, સોશિયલ મીડિયા બ્રાઉઝિંગ અને વિડિયો સ્ટ્રીમિંગને સરળતાથી હેન્ડલ કરી શકે છે.

તમને મજબૂત બેટરી મળશે
Poco C61ની સૌથી મોટી તાકાત તેની મોટી 5000mAh બેટરી છે. જે એક વાર ચાર્જ કર્યા બાદ આખો દિવસ સરળતાથી ચાલી શકે છે, કેમેરા ફિચર્સની વાત કરીએ તો ફોનના પાછળના ભાગમાં 8-મેગાપિક્સલનો પ્રાથમિક સેન્સર અને સેકન્ડરી 0.08-મેગાપિક્સલનો સેન્સર ઉપલબ્ધ છે. કેમેરાની બાબતમાં આ ફોન તમને થોડો નિરાશ કરી શકે છે. ફોનના આગળના ભાગમાં 5 મેગાપિક્સલનો કેમેરો છે, જે બેઝિક સેલ્ફી અને વીડિયો ચેટ માટે શ્રેષ્ઠ છે.

POCO C61: March 26 pic.twitter.com/uDb7gJ0G2L

— Mukul Sharma (@stufflistings) March 22, 2024