ધુળેટીના દિવસે ઘેરયાઓને રમવા માટે SMC આટલા કલાક વધુ આપશે પાણી - જાણો વિગતે

9 માર્ચ એટલે કે, આજે દેશ વિદેશમાં લોકો હોળીનો તહેવાર ઉજવાશે. અને સાંજે શહેરભરમાં હોળી પ્રગટાવવામાં આવશે. હોળીને બીજો દિવસ એટલે ધૂળેટી. આ દિવસે લોકો પાણીથી અને રંગોથી રમે છે. ત્યારે પાણીની અછત સર્જાય છે જેના કારણે આ વર્ષે SMC દ્વારા ધૂળેટીએ દોઢ કલાક વધુ પાણી આપવાની પણ જાહેર કરવામાં આવી છે.

નિકોલમાં છેલ્લા 200 વર્ષથી ચાલતા વસંતઉત્સવના કાર્યક્રમનો પણ સોમવારથી પ્રારંભ થશે. ખોડિયાર મંદિરના પરીસરમાં ઉજવાતા આ ઉત્સવમાં હોળી પ્રગટાવવાની સાથે વિવિધ અખાડા, રાસ-ગરબા, તેમજ વેશભૂષા આકર્ષણનું કેન્દ્ર હોય છે. ધૂળેટીના દિવસે તો જાણે ગામ આખુ વસંતના રંગમાં રંગાઈ જાય છે. ધૂળેટીના સવારના સમયે એકબીજા પર રંગોની છોળી ઉડાવ્યા બાદ ગ્રામજનો લેઝિમ, ડંબેલ્સ, લાઠી, પિરામીડ, ફાયર જમ્પ જેવા કરતબો કરે છે. ત્યારબાદ પરંપરાગત ‘ઓડ’ રમતમાં મહિલાઓ ઘૂંઘટ ઓઢીને હાથમાં નેતરની સોટી રાખી પુરૂષોએ પકડેલા હળ પર ફટકારતી જાય છે. લોકવાયકા પ્રમાણે વણઝારાની કોમ અહીંથી પસાર થઇ ત્યારે તેમણે તળાવ બનાવીને ગામની પાણીની સમસ્યા દૂર કરી હતી ત્યારથી દર વર્ષે આ રીતે આ ઉત્સવ મનાવાય છે.