November 17, 2024
હાલ ગુજરાતના હીરા ઉધોગ અને બીજા અન્ય ઉદ્યોગોમાં પણ ભારે મંદીનું વાતાવરણ જોવા મળે છે. અને લોકો ગમે-તેમ કરીને પરિવારનું ગુજરાન ચલાવી રહ્યા છે. અને તેવામાં લોકો છુપી રીતે લાખોનો માલ લાવતા હોય તેવી ઘટના સામે આવી છે. તારીખ 23-9-2019 ના રોજ સોમવારે ગુજરાતના અમદાવાદ એરપોર્ટ પર કસ્ટમ્સ વિભાગના એર ઇન્ટેલિજન્સ યુનિટ દ્વારા થાઇલેન્ડના બેંગકોક શહેરમાંથી સોનું લાવનારા બે લોકોને દાણચોરીના મામલે અટકાયત કરવામાં આવી હતી. તેમની પાસેથી 829 ગ્રામ સોનું મળી આવ્યું છે. બંને તસ્કરોએ સોનું તેમના ગુદામાર્ગની અંદર છુપાવી દીધું હતું. તસ્કરો પાસેથી પકડાયેલા સોનાની કિંમત આશરે 32.37 લાખ રૂપિયા છે.
કસ્ટમ અધિકારીઓએ કહ્યું હતું કે ખાનગી ઇનપુટ પર કાર્યવાહી કરીને તેઓએ આ ગુનેગારોને પકડ્યા હતા. સાથે-સાથે અધિકારીઓએ કહ્યું હતું કે, સોનાના દાણચોરોએ સોનાને ટર્પેન્ટાઇનમાં લપેટીને તેમના ગુદામાર્ગની અંદર મૂકી દીધા હતા. આ લોકો પાસેથી ઘણા કલાકોની પૂછપરછ બાદ આ સોનું મળી આવ્યું હતું. તેમણે કહ્યું કે પકડાયેલા લોકોમાંથી એક એર ઇન્ડિયાની ફ્લાઇટમાં બેંગકોકથી મુંબઇ આંતરરાષ્ટ્રીય વિમાનમથક પર સોનાની દાણચોરી કરી રહ્યો હતો જ્યાં તેણે બીજા મુસાફરને સોનું આપ્યું હતું. આ પછી બંને મુસાફરો અમદાવાદ એરપોર્ટ પહોંચ્યા હતા. આ તસ્કરોએ અનુમાન લગાવ્યું હતું કે ડોમેસ્ટિક એરપોર્ટ વધુ સખત તપાસ કરશે નહીં અને બચી જશે.
Trending News
આ લોકો કસ્ટમ અધિકારીઓની પકડમાં આવ્યા હતા. હાલના દિવસોમાં ટર્પેન્ટાઇન હેઠળ સોનું લાવવાની ઘટનાઓમાં ઘણો વધારો થયો છે. આ રીતે, જ્યારે વાયર લપેટી લેવામા આવે છે ત્યારે ડોર ફ્રેમ મેટલ ડિટેક્ટર તપાસ દરમિયાન સોનું પકડી શકતું નથી. તેથી, દાણચોરો પાસેથી સોનું મેળવવું હવે ખૂબ મુશ્કેલ બની રહ્યું છે. આવા તસ્કરોને પકડવા માટે હવે ફક્ત ગુપ્ત માહિતી જ મદદરૂપ થાય છે. જો કે નિર્દોષ લોકોને પણ મુશ્કેલીનો સામનો કરવો પડી રહ્યો હોવાનો ભય છે. ગયા વર્ષે અમદાવાદમાં 10 થી 12 કેસ નોંધાયા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.