અરે વાહ! અફઘાનીસ્તાનના કાબુલમાં નવરાત્રી પર ગુંજી ઉઠ્યા હરે કૃષ્ણ અને હરે રામાના ભજન- જુઓ વિડીયો

આ દિવસોમાં અફઘાનિસ્તાન(Afghanistan)ની રાજધાની કાબુલ(Kabul)માં નવરાત્રી(Navratri 2021) તહેવાર ઉજવવામાં આવે છે. ત્યાં સમગ્ર વાતાવરણ ભજન અને કીર્તનને કારણે ભક્તિમય બની ગયું છે. હવે તમે વિચારતા હશો કે જો તાલિબાનોએ અફઘાનિસ્તાન પર કબજો કર્યો છે, તો પછી હિન્દુઓ અને શીખો(Hindu and Sikh Community in Afghanistan) ત્યાં નવરાત્રિ કેવી રીતે ઉજવી રહ્યા છે. તેનો જવાબ સોશિયલ મીડિયા(Social media) પર વાયરલ થતા વિડિયોમાં(Viral video)થી મળી જશે.

#Flash–
The members of Hindu community in Afghanistan last night celebrated the ongoing Navratri festival at the ancient Asamai Mandir in #Kabul .
They appealed Govt of India for their early evacuation due to acute economic and social hardships being faced by them.
V @PSCINDIAN pic.twitter.com/VyDnHO3zWT

— Ravinder Singh Robin ਰਵਿੰਦਰ ਸਿੰਘ رویندرسنگھ روبن (@rsrobin1) October 12, 2021

તાલિબાનના ભય હેઠળ જીવતા હિન્દુ અને શીખ સમુદાયના લોકો નવરાત્રિ પર કાબુલના અસ્માઈ મંદિરમાં કીર્તન અને ભજન કરી રહ્યા છે. તેના વીડિયો હાલમાં સોશિયલ મીડિયા પર ખુબ જ વાયરલ થઈ રહ્યા છે. આ પહેલા અનેક તાલીબાનીઓના વિડીયો સોશિયલ મીડિયામાં વાયરલ થયા હતા જેમાં તાલીબાની પોતાની ભાન ભૂલી ગયા હોય તેવું આ વિડીયોને જોતા લાગી રહ્યું હતું.

મળતી માહિતી અનુસાર, કાબુલના અસ્માઈ મંદિરની મેનેજમેન્ટ કમિટીના ચેરમેન રામ શરણ સિંહે જણાવતા કહ્યું છે કે, તેમણે કીર્તન અને જાગરણ સાથે ભંડારાનું આયોજન કર્યું હતું. જેમાં જરૂરિયાતમંદોને ભોજન આપવામાં આવ્યું હતું. આ કાર્યક્રમમાં આશરે 150 લોકો ભેગા થયા હતા, જેમાં અફઘાનિસ્તાનમાં રહેતા હિન્દુઓ સાથે શીખ પણ સામેલ હતા.