April 28, 2024
આર્થિક સંકટનો સામનો કરી રહેલા શ્રીલંકા(Sri Lanka)માં સ્થિતિ વધુ ખરાબ થઈ રહી છે. લોકોમાં સરકાર સામે ભારે રોષ જોવા મળી રહ્યો છે. હજારો વિરોધીઓ રસ્તા પર ઉતરી રહ્યા છે. આ દરમિયાન વિરોધીઓએ રાષ્ટ્રપતિ ભવન(Rashtrapati Bhavan) પર કબજો જમાવી લીધો છે. રાષ્ટ્રપતિ ગોટાબાયા રાજપક્ષે(Gotabaya Rajapaksa) રાષ્ટ્રપતિ ભવનમાંથી ભાગી ગયા છે.
આ દરમિયાન કેટલાક વિરોધીઓ રાષ્ટ્રપતિ ભવનની અંદર બનેલા સ્વિમિંગ પૂલમાં ન્હાતા જોવા મળ્યા હતા. તેનો વીડિયો સોશિયલ મીડિયા પર સામે આવ્યો છે.
View this post on Instagram
શ્રીલંકાની અત્યંત નબળી આર્થિક સ્થિતિ સામે વિરોધીઓ રસ્તા પર ઉતરી આવ્યા છે. તેઓ હવે રાષ્ટ્રપતિના રાજીનામાની માંગ કરી રહ્યા છે. અગાઉ (11 મે) જ્યારે શ્રીલંકાના ભૂતપૂર્વ વડા પ્રધાન મહિન્દા રાજપક્ષે ભારે હોબાળો વચ્ચે રાજીનામું આપ્યું હતું, ત્યારે તેમણે આગચંપી અને હિંસક વિરોધીઓથી બચવા માટે તેમના પરિવાર સાથે ઘરેથી ભાગી જવું પડ્યું હતું.
Trending News
? Protesters cool down in President’s swimming pool after storming his official residence in Fort. pic.twitter.com/jROaa4NDWy
— NewsWire ?? (@NewsWireLK) July 9, 2022
પ્રદર્શનકારીઓ રાષ્ટ્રપતિ ભવનની અંદરના સ્વિમિંગ પૂલમાં ન્હાતા જોવા મળ્યા હતા:
અહેવાલો અનુસાર પ્રદર્શનકારીઓ બેરિકેડ તોડીને રાષ્ટ્રપતિ ભવનમાં પ્રવેશ્યા હતા. આ દરમિયાન કેટલાક વિરોધીઓ રાષ્ટ્રપતિ ભવનની અંદર બનેલા સ્વિમિંગ પૂલમાં ન્હાતા જોવા મળ્યા હતા. તે જ સમયે કેટલાક લોકો ઉભા થઈને વીડિયો બનાવી રહ્યા હતા. વિડીયોમાં રાષ્ટ્રપતિ ભવનમાં મોટી સંખ્યામાં લોકો જોવા મળી રહ્યા છે. ચારે બાજુ અરાજકતાનો માહોલ છે. આ વાતાવરણમાં કેટલાક લોકો સ્વિમિંગ પૂલમાં મસ્તી કરતા જોવા મળે છે.
તે જ સમયે કેટલાક પ્રદર્શનકારીઓ રાષ્ટ્રપતિ ભવનમાં હાજર બેડરૂમમાં ગયા અને અંદર બેડ પર હંગામો મચાવ્યો હતો.
Protesters inside President’s house pic.twitter.com/lN7x58XL6Q
— NewsWire ?? (@NewsWireLK) July 9, 2022
એવું કહેવામાં આવી રહ્યું છે કે પોલીસે પ્રદર્શનકારીઓને રાષ્ટ્રપતિ ભવનમાં પ્રવેશતા રોકવા માટે ટીયર ગેસના શેલ પણ છોડ્યા હતા, પરંતુ પ્રદર્શનકારીઓ અડગ રહ્યા હતા. આ વિરોધમાં અનેક લોકો ઘાયલ થયા છે. પ્રદર્શનકારીઓએ રાષ્ટ્રપતિના આવાસમાં પણ ભારે તોડફોડ કરી હતી.
Video footage of Sri Lankan protesters taking over President’s office in Colombo
? Buddi U Chandrasiri pic.twitter.com/FINwaaqUat
— NewsWire ?? (@NewsWireLK) July 9, 2022
દરમિયાન, પરિસ્થિતિને નિયંત્રણમાં લાવવા માટે, શ્રીલંકાના વર્તમાન વડા પ્રધાન રાનિલ વિક્રમસિંઘેએ પાર્ટીના નેતાઓની તાકીદની બેઠક બોલાવી છે. એટલું જ નહીં, વડાપ્રધાન વિક્રમસિંઘેએ સ્પીકરને સંસદનું સત્ર બોલાવવાની પણ અપીલ કરી છે. દરમિયાન, શ્રીલંકા પોદુજાના પેરામુના (SLPP) ના 16 સાંસદોએ રાષ્ટ્રપતિ ગોટાબાયાને તાત્કાલિક રાજીનામું આપવા વિનંતી કરતો પત્ર લખ્યો છે.
Protestors enter Presidential Secretariat. Cheers and applause heard.
Video – Social Media #SriLanka #SriLankaProtests pic.twitter.com/1rHuxeAVxC
— Jamila Husain (@Jamz5251) July 9, 2022
અન્ય એક વીડિયોમાં શ્રીલંકાના રાષ્ટ્રપતિ ભવનની અંદર સેંકડો વિરોધીઓ સૂત્રોચ્ચાર કરતા જોવા મળે છે. તમને જણાવી દઈએ કે શ્રીલંકામાં કથળતા આર્થિક સંકટ વચ્ચે આજે રાષ્ટ્રપતિ ગોટાબાયા રાજપક્ષેના રાજીનામાની માંગ સાથે સરકારની વિરોધ રેલી ચાલી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
