May 21, 2024
વૈશ્વિક બજારમાં ક્રૂડ ઓઈલના ભાવમાં સતત વધારો(Crude oil rise) થવા છતાં દેશમાં પેટ્રોલ અને ડીઝલના ભાવમાં વધારો થઈ રહ્યો નથી. તેની અસર ઓઈલ કંપનીઓની કમાણીમાં પડી રહી છે. પાંચ રાજ્યોમાં વિધાનસભા ચૂંટણીને ધ્યાનમાં રાખીને કંપનીઓ પેટ્રોલ અને ડીઝલ(Petrol-diesel)ના ભાવમાં વધારો કરી રહી નથી. નિષ્ણાતોનું કહેવું છે કે ચૂંટણી બાદ ઓઈલ કંપનીઓ(Oil companies) પેટ્રોલ અને ડીઝલના ભાવ(Rise in petrol and diesel prices)માં પ્રતિ લીટર 5-6 રૂપિયાનો વધારો કરી શકે છે.
નિષ્ણાતોનું કહેવું છે કે પેટ્રોલ અને ડીઝલના ભાવમાં વધારો ન થવાને કારણે કંપનીઓને મોટું નુકસાન થઈ રહ્યું છે. આવી સ્થિતિમાં, સામાન્ય રીતે માર્જિન જાળવવા માટે તેમના માટે ભાવમાં પ્રતિ લિટર 5-6 રૂપિયાનો વધારો કરવો જરૂરી બની ગયો છે. જાણકારોના મતે જો આંતરરાષ્ટ્રીય બજારમાં ક્રૂડ ઓઈલની કિંમતો ઉંચી રહેશે તો પાંચ રાજ્યોમાં વિધાનસભાની ચૂંટણી બાદ પેટ્રોલ અને ડીઝલના ભાવ ચોક્કસ વધશે.
જાણો કિંમતો પર કેવી અસર થાય છે:
ICICI સિક્યોરિટીઝના વિશ્લેષક પ્રબલ સેનનું કહેવું છે કે આંતરરાષ્ટ્રીય બજારમાં કાચા તેલની કિંમતોમાં અસ્થિરતાની અસર સ્થાનિક બજારમાં પણ દેખાઈ રહી છે. જો વૈશ્વિક બજારમાં ક્રૂડ ઓઈલ એક ડોલર પ્રતિ બેરલ મોંઘુ થાય છે તો સ્થાનિક બજારમાં તેની કિંમત 45-47 પૈસા પ્રતિ લિટર વધે છે. પરંતુ વિદેશી બજારોમાં ક્રૂડ ઓઈલમાં વધારો થવા છતાં સ્થાનિક બજારમાં પેટ્રોલ અને ડીઝલના ભાવ દિવાળીથી સ્થિર છે. નવેમ્બરથી ક્રૂડ ઓઈલ પ્રતિ બેરલ 25 ડોલર થઈ ગયું છે.
Trending News
ક્રૂડ વધુને વધુ મોંઘુ થઈ રહ્યું છે:
રશિયા અને યુક્રેન વચ્ચે તણાવ ચાલુ રહેતા મંગળવારે આંતરરાષ્ટ્રીય ક્રૂડ ઓઈલની કિંમત $94 પ્રતિ બેરલ પર પહોંચી ગઈ હતી. 2014 પછી આ પ્રથમ વખત છે જ્યારે ક્રૂડની કિંમત આ સ્તરે પહોંચી છે. નિષ્ણાતોનું કહેવું છે કે જો રશિયા અને યુક્રેન વચ્ચે તણાવ યથાવત રહેશે તો ક્રૂડ ઓઈલની કિંમત પ્રતિ બેરલ 125 ડોલર સુધી પહોંચી શકે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
