November 26, 2024
તાજેતરમાં, નાણાં પ્રધાન નિર્મલા સીતારામણે 10 બેંકોના વિલીનીકરણની ઘોષણા કરી હતી. 22 ઓક્ટોબરે આ મર્જરની વિરુદ્ધ બે બેંક યુનિયનો એક દિવસીય હડતાલ પર છે. આ હડતાલને કારણે જાહેર ક્ષેત્રની મોટાભાગની બેંકોને અસર થવાની સંભાવના છે.
આ દરમિયાન, બેંક ઓફ બરોડાએ તેના ગ્રાહકોને એલર્ટ કરી દીધા છે. બેંકે કહ્યું છે કે,હડતાલના દિવસે તે તેની શાખાઓ અને કચેરીઓના કામકાજને સામાન્ય બનાવવા માટે તમામ જરૂરી પગલાં લઈ રહ્યું છે.
Trending News
આ સાથે, બેંકે ચેતવણી આપી હતી કે,જો હડતાલ થાય તો, બેંકની શાખાઓ કચેરીઓની કામગીરીને સંપૂર્ણપણે અસર થઈ શકે છે. જોકે, ભારતીય સ્ટેટ બેંકને આશા છે કે,આ હડતાલની બહુ અસર નહીં થાય.
એસબીઆઇના જણાવ્યા અનુસાર, બેંકના ઘણા ઓછા કર્મચારીઓ છે, જે હડતાલ સંઘનો ભાગ છે, તેથી આ હડતાલની બેંકના કામકાજ પર થોડી અસર પડશે.
એસબીઆઈએ એમ પણ કહ્યું હતું કે,સૂચિત હડતાલથી કેટલું નુકસાન થશે, તેનો અંદાજ હજી લગાવી શકાતો નથી. તેવી જ રીતે, બેંક ઓફ મહારાષ્ટ્ર પણ લાગે છે કે,આ હડતાલથી બેન્કિંગ સ્તરને અસર નહીં થાય.
જણાવી દઈએ કે,ઓલ ઇન્ડિયા બેંક એમ્પ્લોઇઝ યુનિયન અને ફેડરેશન ઓફ ઇન્ડિયન બેંક એમ્પ્લોઇઝે 22 ઓક્ટોબરના રોજ હડતાલ બોલાવી છે. તેને ભારતીય ટ્રેડ યુનિયન કોંગ્રેસ દ્વારા પણ ટેકો છે. સરકારની 10 બેંકોના વિલીનીકરણના વિરોધમાં આ હડતાલ બોલાવવામાં આવી છે.આ મર્જર બાદ 4 નવી બેંકો અસ્તિત્વમાં આવશે. આંધ્ર બેંક, અલ્હાબાદ બેંક, સિન્ડિકેટ બેંક, કોર્પોરેશન બેંક, યુનાઇટેડ બેંક ઓફ ઈન્ડિયા અને ઓરિએન્ટલ બેંક ઓફ કોમર્સ હવે રહેશે નહીં.
22 ઓક્ટોબર સિવાય, 26 ઓક્ટોબરે દેશની મોટાભાગની બેંકો શનિવારના કારણે બંધ રહેશે. 27 મી ઓક્ટોબરે દિવાળી અને રવિવાર છે. તો બેંકો 27 ઓક્ટોબરના રોજ મોટાભાગે બંધ રહેશે. દિવાળી પછી 28 ઓક્ટોબરે ગોવર્ધન પૂજા અને 29 ઓક્ટોબરે ભૈયા ડૂઝને કારણે દેશના ઘણા ભાગોમાં બેંકો ખુલી શકશે નહીં.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.