પુસ્તકના 50 પાના પર 'I hate my life' લખીને 9 માં ધોરણમાં ભણતી વિદ્યાર્થીનીએ કરી આત્મહત્યા

છત્તીસગઢના દુર્ગ અને ભીલાઇમાં આત્મહત્યાના બે કેસ નોંધાયા છે. આ બંને છોકરીઓ ઘણા રહસ્યો છોડીને ગઈ છે. કોઈએ જીવન સાથેના સંબંધોને તોડતા પહેલા તેના સ્માર્ટફોન ફોર્મેટ કર્યો છે, જ્યારે કોઈ વિદ્યાર્થીએ તેના પુસ્તક પર 50 અલગ અલગ પાનામાં ‘આઈ હેટ માય લાઇફ’ લખ્યું છે. બે યુવતીઓનાં આ પગલાથી બધા ચોંકી ઉઠ્યા છે.

પ્રથમ આપઘાતની ઘટનામાં ભીલાઇના ખુરસીપર પોલીસ સ્ટેશન હેઠળ 16 વર્ષીય સગીર એમ ચાંદનીએ ફાંસો ખાઈને આત્મહત્યા કરી હતી. પરિવાર સ્તબ્ધ છે. એવું કહેવામાં આવે છે કે, ઘટના સમયે તેના માતા-પિતા પરિચિતની તબિયત પૂછવા માટે ગયા હતા. પરિવારના આવ્યા પછી પોલીસે ફંદો કાપીને મૃતદેહ નીચે ઉતાર્યો હતો. મૃતદેહને પીએમ માટે મોકલવામાં આવ્યો હતો. પોલીસને તે સ્થળેથી એક કોપી મળી છે, જેના 50 પાના પર સગીરાએ અંગ્રેજીમાં ‘I hate my life’ લખ્યું છે. કેટલાક પાના પર તેને એક યુવક યુવતીની સાથે બેઠેલાની તસવીર પણ બનાવી છે. એક પાના પર એકલી બેઠેલી છોકરીનો સ્કેચ બનાવ્યો છે.

અત્યાર સુધીની તપાસમાં પોલીસને એવી ખબર પડી છે કે, ચાંદની ધોરણ 9 માં અભ્યાસ કરતી હતી. સવારે માતા-પિતા બહાર ગયા હતા. પોતાને એકલા જોઇને વિદ્યાર્થીએ સાંજે આત્મહત્યા કરી લીધી હતી. પડોશીઓએ પોલીસને અને તેના પરિવારના સભ્યોને જાણ કરી હતી. ત્યારબાદ આ ઘટના સામે આવી હતી. પરિવારે જણાવ્યું હતું કે, ચાંદનીને એક યુવક સાથે મિત્રતા હતી.

બીજી આપઘાતની ઘટના મોહન નગર પોલીસ સ્ટેશન વિસ્તારમાં રહેતી 21 વર્ષીય સુષ્મિતા ડુંગરેને રાત્રે 2 થી બપોરે 6 દરમિયાન ફાંસી લગાવી હતી. સવારે જ્યારે પરિવાર તેને ઓરડામાં જગાડવા ગયો હતો ત્યારે ઘટનાની જાણ થઈ હતી. પોલીસની પ્રાથમિક તપાસમાં જાણવા મળ્યું છે કે, સુષ્મિતા ખૈરાગઢ ઇન્દિરા કલા સંગીત યુનિવર્સિટીમાંથી ફેશન ડિઝાઇનિંગનો અભ્યાસ કરતી હતી. લોકડાઉનને કારણે તે છેલ્લા એક વર્ષથી ઘરે જ હતી. પોલીસને જાણવા મળ્યું છે કે, વિદ્યાર્થીએ મોબાઇલ ફોર્મેટ કર્યા બાદ આત્મહત્યા કરી છે.

પોલીસે પીએમ કરાવ્યા બાદ લાશ પરિવારજનોને સોંપી હતી. પોલીસના જણાવ્યા મુજબ, પરિવારના સભ્યોના નિવેદનો જાણી શકાયા નથી. આને કારણે યુવતીની આત્મહત્યા પાછળનું કારણ જાણી શકાયું નથી. યુવતીની માતા આંગણવાડી કાર્યકર છે અને પિતા કુરિયર કંપનીમાં નોકરી કરે છે.