January 19, 2025
આજકાલ પોલીસ સતત હત્યાના કિસ્સા ઉકેલતી હોય છે. સુરતમાં અસમાજીક તત્વો ખુલ્લેઆમ હત્યા કરતા હોય છે. આ દરમિયાન ફરીવાર એક હત્યાનો કિસ્સો સામે આવ્યો છે જેમાં કતારગામ પોલીસ સ્ટેશનની બાજુના જ કોમ્પ્લેક્ષના નેપાળી વોચમેનના યુવાન પુત્રની હત્યા કરેલી લાશ ગઈકાલે રાતે નિર્મલ ઇન્ડસ્ટ્રીઝની પાછળ રેલવે ટ્રેક પાસે ખુલ્લામાં મળી આવી હતી.
જાણવા મળ્યું છે કે, આ યુવાન તેના પિતાને માર મારતો હોવાથી બે મહિના પહેલા તેને ઘરેથી કાઢી મુક્યા બાદ તે મિત્રો સાથે જ રખડપટ્ટી કરતો હતો. પોલીસ દ્વારા તેના મિત્રોની પૂછપરછ હાથ ધરવામાં આવી છે. સુરતમાં સતત હત્યાની ઘટના સામે આવી રહી છે ત્યારે વધુ એક હત્યાની ઘટના સમયે આવતા હોબાળો મચી જવા પામ્યો છે.
મળતી માહિતી મુજબ, પિતાને માર મારતા પુત્રને પિતાએ બે મહિના પહેલા ઘરમાંથી કાઢી મૂક્યો હતો અને ગઈકાલે તેની હત્યા થયેલી લાશ મળી આવતા પરિવારમાં શોકનો માહોલ છવાઈ ગયો હતો. મૂળ નેપાળના વતની 48 વર્ષીય સુરજ બલબહાદુર સોની સુરતના કતારગામ પોલીસ સ્ટેશનની બાજુના સરદાર કોમ્લેક્ષમાં વોચમેન તરીકે નોકરી કરે છે અને ત્યાં જ વોચમેનની રૂમમાં રહેતા હોવાનું સામે આવ્યું છે.
Trending News
અ દરમિયાન, ગઈ કાલે સાંજે કતારગામ નિર્મલ ઇન્ડસ્ટ્રીઝની પાછળ રેલવે ટ્રેક પાસે ખુલ્લામાં એક યુવાન ઈજાગ્રસ્ત હાલતમાં પડયો હોવાના મેસેજને પગલે 108 એમ્બ્યુલન્સ ત્યાં દોડી ગઈ હતી. પરંતુ, યુવાનના ગળાના ભાગે ડાબીબાજુ તેમજ જમણા પગે ઘૂટણ પાછળના ભાગે તિક્ષ્ણ હથીયાર વડે કરવામાં આવેલી ગંભીર ઇજાના નિશાન હતા અને તે મૃત હાલતમાં હતો.
જેથી આ અંગે 108ના કર્મચારી દ્વારા કતારગામ પોલીસને જાણ કરવામાં આવી હતી. ઘટનાની જાણ થતા દોડી ગયેલી કતારગામ પોલીસ દ્વારા યુવાનનો ચહેરો જોતા જ તે પોલીસ સ્ટેશનની બાજુમાં સરદાર કોમ્પ્લેક્ષના વોચમેન સૂરજ બલબહાદુરનો પુત્ર અર્જુન છે તેમ ઓળખી લેવામાં આવ્યો હતો. ત્યારબાદ પોલીસ દ્વારા સૂરજ બલબહાદુરને સ્થળ ઉપર બોલાવી અર્જુન અંગે ખરાઈ કર્યા બાદ તેની પુછપરછ કરવામાં આવી હતી.
.આ દરમિયાન જાણવા મળ્યું હતું કે, 22 થી 24 વર્ષીય અર્જુન તેના પિતાને માર મારતો હતો અને રખડપટ્ટી કરતો હતો. તેથી તેને બે મહિના પહેલા જ ઘરેથી કાઢી મુકવામાં આવ્યો હતો. ત્યારબાદ અર્જુન તેના મિત્રો સાથે જ રહી રખડપટ્ટી કરતો હોવાથી કતારગામ પોલીસ દ્વારા સૂરજ બલબહાદુરની ફરિયાદના આધારે અજાણ્યા વિરુદ્ધ હત્યાનો ગુનો નોંધી અર્જુનના મિત્રોની પુછપરછ હાથ ધરવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.