પ્રેમના કોડ પુરા ન થતા સુરતના પ્રેમી પંખીડાએ ઝેરી દવા ગટગટાવીને મોતને કર્યું વ્હાલું

સુરત(surat): શહેરમાંથી એક ચકચાર મચાવતી ઘટના સામે આવી છે. શહેરમાં છેલ્લા ઘણા સમયથી આપઘાતના બનાવો વધી રહ્યા છે. ત્યારે સુરત શહેરમાં વધુ એક પ્રેમી પંખીડાએ આપઘાત કરી લીધાનો બનાવ સામે આવ્યો છે. શહેરમાં છેલ્લા ઘણા સમયથી આવા બનાવો સામે આવી રહ્યા છે. સુરત શહેર જાણે સુસાઇડ પોઇન્ટ બની ગયું હોય તેવું લાગી રહ્યું છે.

સુરત શહેરના કાપોદ્રા વિસ્તારમાં આવેલ ધરતીનગર નજીક તાપી નદીના કિનારા પાસે પ્રેમીપંખીડાએ ઝેરી દવા ગટગટાવીને આઘાત કરતાં સમગ્ર વિસ્તારમાં ચકચાર મચી જવા પામી છે. ઘટના બાદ ત્યાંથી પસાર થતા લોકોએ પોલીસને જાણ કરી હતી પોલીસને ઘટના અંગે માહિતી માતા તરત જ કાપોદ્રા પોલીસ ઘટના સ્થળે પહોંચીને તાજવીજ હાથ ધરી છે.

પ્રાથમિક તપાસ દરમિયાન બંને પ્રેમી પંખીડા હોવાનું સામે આવ્યું છે. યુવક અને યુવતીએ કાપોદ્રા વિસ્તારમાં આવેલ ધરતી નગર નજીક તાપી નદીના કિનારા પાસે ઝેરી દવા ગટગટાવીને મોત વહાલું કર્યું છે. યુવક અને યુવતીની એકસાથે લાશ મળી આવતા સમગ્ર વિસ્તારમાં ચકચાર મચી જવા પામી છે. હાલમાં પોલીસે લાશને કબજે કરીને પોસ્ટ મોર્ટમ માટે મોકલી આપવામાં આવી છે.

હાલમાં કાપોદ્રા પોલીસ પ્રેમી પંખીડાએ ઝેરી દવા ગટગટાવીને શા માટે કર્યો? તેમજ પ્રેમી પંખીડા કાપોદ્રા વિસ્તારમાં તાપી નદીના કિનારે ક્યાંથી આવ્યા હતા. તે અંગે કાપોદ્રા પોલીસે ઊંડાણપૂર્વક તપાસ હાથ ધરી છે. તાપી નદીના કિનારે યુવતીની લાશ મળતા સમગ્ર પંથકમાં અનેક તર્કવિતર્ક વહેતા થયા છે.