ખાખીનો રોફ! પોલીસકર્મીએ 13 વર્ષના એક કિશોરને જેમ ફાવે તેમ ગમે ત્યાં લાફા-પાટા ઝીંકી દીધા- જુઓ LIVE વિડીયો

ગુજરાત(Gujarat): વડોદરા(Vadodara)ના નંદેસરી(Nandesari) વિસ્તારમાં એક કિશોરને પોલીસકર્મી(Policeman) જેમ ફાવે તેમ માર મારી રહ્યો હોય તેવો વીડિયો સામે આવતા આરોપી પોલીસકર્મીને સસ્પેન્ડ(Policeman suspended) કરી દેવામાં આવ્યો છે. તેમજ પોલીસકર્મી સામે કેસ દાખલ કરી કાયદેસરની તપાસના આદેશ આપી દેવામાં આવ્યા છે.

 

View this post on Instagram

 

A post shared by Trishul News (@trishulnews)

ઘટના અંગેની મળતી વિગતો અનુસાર, છાણી પોલીસ સ્ટેશનની મોબાઇલ વાનમાં ડ્રાઇવર તરીકે ફરજ બજાવી રહેલા પોલીસ કોન્સ્ટેબલ શક્તિસિંહ ગટોરસિંહ પાવરા અને મહિલા કર્મચારી વહીવટી કામગીરી માટે સરકારી વાહનમાં નંદેસરી પોલીસ મથક આવ્યા હતા. ત્યાર પછી તેઓ પરત છાણી પોલીસ સ્ટેશન જવા માટે નીકળ્યા હતા. આ સમય દરમિયાન રાત્રે નવ વાગ્યાની આસપાસ તેઓ નંદેસરી બજારમાંથી પસાર થઇ રહ્યા હતા. તે સમય દરમિયાન ખોડિયાર કરીયાણા સ્ટોર પાસે 13 વર્ષના એક કિશોરે પોલીસની ગાડી આવતા કંઇક બોલતો બોલતો રોડ ક્રોસ કરી રહ્યો હતો. જેથી પોલીસ કોન્સ્ટેબલ શક્તિસિંહ પાવરા અચાનક ગાડીમાંથી ઉતરી ગયો હતો અને રોડ ક્રોસ કરી રહેલા કિશોરને લાફાવાળી કરી જેમ ફાવે તેમ માર મારવા લાગ્યો હતો.

પોલીસકર્મીને સસ્પેન્ડ કરી દેવાયો:
13 વર્ષના કિશોરને માર માર્યોની સમગ્ર ઘટના સીસીટીવીમાં કેદ થઇ જતા આ મામલે પોલીસ કોન્સ્ટેબલ શક્તિસિંહ પાવરા સામે ફરિયાદ દાખલ કરવામાં આવી અને તપાસ બાદ તેને સસ્પેન્ડ કરી દેવામાં આવ્યો છે.