સુરતમાં મુસાફરોને રીક્ષામાં બેસાડી નજર ચૂકવી ચોરી કરતી ગેંગ ઝડપાઈ, મહિલા સહિત બેની ધરપકડ

સુરત શહેરમાં કેટલાક સમયથી રીક્ષામાં બેસેલા પેસેન્જરની નજર ચૂકવી તેના કિંમતી માલ સામાન લૂંટી લેવાના કિસ્સાઓ વધી રહ્યા હતા ત્યારે ચોક બજાર વિસ્તારમાં હીરાના વેપારી પોતે રીક્ષા માં બેસી કામ ધંધા થી ઘરે પરત ફરી રહ્યાં હતાં ત્યારે રીક્ષા માં પહેલે થી જ બેસેલી મહિલા અને ત્યાર બાદ અન્ય બે ઈસમો પણ પેસેનજર ના સ્વાગ માં બેસી ગયા હતા અને તેઓ ને બેસેવામાં ફાવતું નહીં હોઈ એવું કહી હીરા વેપારીના ખિસ્સા માંથી લાખો રૂપિયાના હીરા સેરવી લીધા અને ફરાર થઈ ગયા હતા.

હીરા વેપારી ને પોતાના હીરા ગાયબ થતા વેપારી એ ચોક બજાર પોલીસ સ્ટેશન માં ફરિયાદ નોંધાવી હતી. ચોક બજાર પોલીસ એ ગુનો નોંધી આરોપીની શોધ શરૂ કરી હતી. ચોક બજાર પોલીસએ નજીકમાં લાગેલા સીસીટીવી ના આધારે અને બાતમીદારો ને એક્ટીવ કરી આરોપીને શોધવા આરોપીને શોધવા ના પ્રયાસો કરી રહ્યા હતા. પોલીસએ 70 થી વધુ સરકારી સીસીટીવી અને 200 થી વધુ ખાનગી સીસીટીવી ચકાસીયા બાદ પોલીસ ને સ્ટેશન રોડ પાસે લાગેલા એક સીસીટીવી માં આ રીક્ષા જોવા મળી હતી.

cctv ફૂટેજના આધારે ચોકબજાર પોલીસે મહિલા સહીત 2 ઇસમોને ઝડપી પાડયા છે. ઝડપાયેલી આ ટોળકીનો મુખ્ય સૂત્રધાર ગુલામ હુસેન પટેલ અગાઉ રેલવેમાં પીક પોંકેટીંગના ગુનામાં ઝડપાયો છે. આ ઉપરાંત, તેની સાથે ઈકબાલ હજરત સલ્લાઉદીન પટેલ, મોઇન યુસુફ શેખ, સુંમૈયા અયુબ પટેલની પોલીસે ધરપકડ કરી ચોકબજાર પોલીસ મથકમાં નોંધાયેલા બે ગુનાનો ભેદ ઉકેલી કાઢ્યો હતો.

મહિલા સહિત બે આરોપીની ધરપકડ કરીને પોલીસે તેઓની પાસેથી 1.06 લાખની કિંમતના હીરા કબજે કર્યા હતા. આરોપીની વધુ પૂછપરછમાં જાણવા મળ્યું હતું કે, ગત 25 મેના રોજ આરોપીઓએ વેડરોડ સરદાર હોસ્પિટલની સામે શાકભાજીની લારી પર ખરીદી કરી રહેલા એક વ્યક્તિના ખીસ્સ્સામાંથી 15 હજારની કિમતનો એક મોબાઈલ ફોન પણ લઇ લીધો લીધો હતો.