October 30, 2024
Fake Aadhaar PAN Card Surat Police: જો તમારી પાસે તમારું આધાર કાર્ડ, પાન કાર્ડ અથવા સુરતથી બનેલા અન્ય કોઈ દસ્તાવેજો છે, તો તમારે સાવચેત રહેવાની જરૂર છે. ખરેખર, સુરત પોલીસે અહીં લગભગ 2 લાખ લોકોના નકલી આધાર અને પાનકાર્ડ મળી આવ્યા છે.(Fake Aadhaar PAN Card Surat Police) આ નકલી આધાર અને પાન કાર્ડ માટે આરોપીઓએ ગ્રાહકો પાસેથી રૂ. 15 થી રૂ. 200 વસૂલ્યા હતા. પોલીસે યુપી અને રાજસ્થાનમાં દરોડા પાડીને આરોપીઓની ધરપકડ કરી છે.
સુરત પોલીસના એક અધિકારીએ સોમવારે જણાવ્યું હતું કે, રાષ્ટ્રીય સુરક્ષા માટે ગંભીર ખતરો ઉભી કરતી વેબસાઈટનો ઉપયોગ કરીને આધાર અને પાન કાર્ડ જેવા નકલી દસ્તાવેજો તેમજ મતદાર આઈડી કાર્ડ બનાવવા બદલ બે લોકોની ધરપકડ કરવામાં આવી છે.
View this post on Instagram
Trending News
પોલીસને મળી હતી માહિતી
મદદનીશ પોલીસ કમિશનર વી.કે.પરમારે જણાવ્યું હતું કે, ખાનગી લોન કંપની પાસેથી માહિતી મળી હતી કે કેટલાક લોકોએ બનાવટી દસ્તાવેજોના આધારે લોન લીધી છે અને હપ્તા જમા કરાવ્યા નથી. ફરિયાદ બાદ આ કેસમાં છ લોકોની ધરપકડ કરવામાં આવી હતી.
પૂછપરછ દરમિયાન, છ આરોપીઓમાંથી એક પ્રિન્સ હેમંત પ્રસાદે જણાવ્યું હતું કે, તેણે નકલી આધાર અને પાન કાર્ડ ડાઉનલોડ કરવા માટે સરકારી વેબસાઇટનો ઉપયોગ કર્યો હતો. વેબસાઈટ પરથી ડાઉનલોડ કરવામાં આવેલ નકલી ઓળખ કાર્ડનો ઉપયોગ બેંક લોન મેળવવા અને સિમ કાર્ડ ખરીદવા જેવા હેતુઓ માટે કરવામાં આવતો હતો.
આરોપીઓની યુપી અને રાજસ્થાનમાંથી ધરપકડ
સુરત પોલીસના જણાવ્યા અનુસાર, રાજસ્થાનના ગંગાનગરમાં રહેતા સોમનાથ પ્રમોદ કુમારની ટેકનિકલ સર્વેલન્સ દ્વારા ધરપકડ કરવામાં આવી હતી. આ સિવાય ઉત્તર પ્રદેશના ઉન્નાવના રહેવાસી પ્રેમવીર સિંહ ઠાકુરની પણ ધરપકડ કરવામાં આવી હતી. વેબસાઈટ પ્રેમવીર સિંહના નામે બનાવવામાં આવી હતી.
જ્યારે બંને આરોપીઓની પૂછપરછ કરવામાં આવી ત્યારે તેઓએ જણાવ્યું કે, તેઓએ બે વર્ષમાં આધાર, પાન કાર્ડ, ઓળખ કાર્ડ જેવા લગભગ 2 લાખ નકલી દસ્તાવેજો બનાવ્યા હતા. આ વેબસાઈટ છેલ્લા ત્રણ વર્ષથી ચાલી રહી છે. મામલાની માહિતી મળ્યા બાદ પોલીસે કહ્યું કે આ રાષ્ટ્રીય સુરક્ષાનો ગંભીર મુદ્દો છે. આની પાછળ બીજા ઘણા લોકો સામેલ હોવાની શક્યતા છે. હાલ પોલીસ આ મામલાની તપાસમાં વ્યસ્ત છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube