ભાજપના નેતાના ફાર્મ હાઉસની ગટર સાફ કરવા ઉતરેલા બે મજૂરોના મોત, પોલીસની ‘રાજકારણી’ જેવી ભૂમિકા

સુરતમાં ગઈકાલે નાની વેડ માં ડ્રેનેજ લાઈનમાં કોઈપણ સુરક્ષા સાધનો વગર ગટર સાફ કરવા ઉતરેલા બે મજૂરોના મોત મામલે આજે ચોકબજાર પોલીસે કોન્ટ્રાકટર પર ગુનો દાખલ કર્યો છે, જ્યારે આ ગટર સાફ કરવા માટે જે વ્યક્તિએ મજૂરોને બોલાવવા કહ્યું હતું તે ફાર્મ હાઉસના કથિત માલિક સતીશ પટેલ કે જેઓ ભાજપના કિસાન મોરચાના પ્રમુખ છે અને પૂર્વે કોર્પોરેટર રહી ચૂક્યા છે, તેમને પોલીસ છાવરી રહી હોય તેવું લોકમુખે ચર્ચાઈ રહ્યું છે.

https://youtu.be/4DK2M7XTkVk

સુરતની ચોક બજાર પોલીસે ખાનગી વ્યક્તિ સામે ગુનો નોંધીને ખાનગી વ્યક્તિને એસ.એમ.સી.ની ગટરમાં ઉતરવા માટે બોલાવનાર ભાજપના નેતાને પૂછપરછ માટે પણ ન બોલાવીને અને સવાલો ખડા કર્યા છે.

કોન્ટ્રાક્ટર બાબુભાઇ ઓધવજીભાઈ ડોબરિયા નામના વ્યક્તિ સામે નોંધાઈ ફરિયાદ.