હવે કપડા ધોવા પણ મોંઘા પડશે! ખાધતેલ બાદ સાબુ, સર્ફ અને પાઉડરના ભાવમાં ધરખમ વધારો

સતત વધી રહેલી મોંઘવારી(Inflation) લોકોની મુશ્કેલીમાં વધારો કરી રહી છે. મોંઘા પેટ્રોલ-ડીઝલ(Petrol-diesel) અને ખાદ્યતેલ બાદ હવે સાબુ, સર્ફ, ડીશવોશ જેવી ચીજવસ્તુઓના ભાવમાં વધારો થયો છે. હકીકતમાં, દેશની સૌથી મોટી FMCG કંપની હિન્દુસ્તાન યુનિલિવર લિમિટેડ (HUL) એ ફેબ્રુઆરીમાં આ ઉત્પાદનોની કિંમતોમાં 3 થી 10 ટકાનો વધારો કર્યો છે.

કંપનીએ બે મહિનામાં સતત બીજી વખત કિંમતોમાં વધારો કર્યો છે. HULનું કહેવું છે કે કાચા માલના ઊંચા ભાવની અસરને ઘટાડવા માટે આ ઉત્પાદનોના ભાવમાં બીજી વખત વધારો કરવાનો નિર્ણય લેવામાં આવ્યો છે. ડિસેમ્બર ક્વાર્ટરની કમાણી પછી મેનેજમેન્ટે જે કહ્યું હતું તેના અનુરૂપ ભાવમાં વધારો થયો છે.

આ કારણોસર ભાવમાં થયો વધારો:
કંપનીએ ડિસેમ્બરમાં સંકેત આપ્યો હતો કે જો કાચા માલનો ફુગાવો ડિસેમ્બર ક્વાર્ટર કરતાં વધુ હશે તો તે તબક્કાવાર ભાવ વધારવાનું વિચારશે. HULના ચીફ ફાયનાન્સિયલ ઓફિસર (CFO) રિતેશ તિવારીએ જણાવ્યું હતું કે વધતા ખર્ચને ધ્યાનમાં રાખીને અમારી પ્રથમ પ્રાથમિકતા ખૂબ જ સખત બચત કરવાની છે અને પછી તબક્કાવાર કિંમતોમાં વધારો કરવાની છે.

કંપનીએ ખુદ આ માંગ પર ચિંતા વ્યક્ત કરી છે:
બ્રોકરેજ ફર્મ એડલવાઈસ સિક્યોરિટીઝનું કહેવું છે કે FMCG કંપનીએ ફેબ્રુઆરીમાં સાબુ, સર્ફ, ડીશવોશ અને અન્ય ઉત્પાદનોના ભાવમાં 3-10 ટકાનો વધારો કર્યો છે. તપાસમાં સામે આવ્યું છે કે સર્ફ એક્સેલ ઇઝી વોશ, સર્ફ એક્સેલ ક્વિક વોશ, વિમ બાર એન્ડ લિક્વિડ, લક્સ અને રેક્સોના સોપ્સ અને પોન્ડ્સ ટેલ્કમ પાવડરની કિંમતો વધી છે. કંપનીએ એવા સમયે વધારો કર્યો છે જ્યારે તેણે પોતે માંગના વાતાવરણ અંગે ચિંતા વ્યક્ત કરી છે. ખાસ કરીને ગ્રામીણ બજારમાં.