સુરતના વેડરોડ વિસ્તારમાં લબરમૂછિયાનો આતંક: કેટલીય ગાડીઓના તૂટ્યા કાચ- જુઓ CCTV ફૂટેજ

સુરત(ગુજરાત): મધરાત્રે સુરતના વેડરોડ વિસ્તારમાં આવેલી પ્રાણનાથ હોસ્પિટલ નજીક કેટલાક અસામાજિક તત્વોએ રોડ બાજુએ પાર્ક કારના કાચ તોડી ચોરીનો પ્રયાસ કરતા લોકોમાં રોષનો માહોલ જોવા મળ્યો છે. ચોક બજાર પોલીસ સ્ટેશનમાં કાર માલિકોએ અરજી કરી છે. સમગ્ર ઘટના CCTVમાં કેદ થતાં પોલીસે આગળની કાર્યવાહી શરુ કરી છે.

દીપકભાઈ મૂઢવાના જણાવ્યા અનુસાર, આ ઘટના 26 મી જુલાઈના મધરાતની હતી. એક હુંડાઈ I-10 અને ઇકો કાર રોડ બાજુએ પાર્ક કરી હતી. રાત્રિના 1:40 વાગ્યાના અરસામાં કેટલાક અજાણ્યા વ્યક્તિએ હાથમાં બોથડ પદાર્થ લઈને આવે છે, અને કાર પર પથ્થર અને ફટકા મારી કારના કાચ તોડી નાખે છે. એટલું જ નહીં કારમાં ઘુસીને ચોરીનો પણ પ્રયાસ કરે છે.

વેડરોડ વિસ્તારના લોકો માટે અસામાજિક તત્વોનો વધતો આતંક ચિંતાજનક બની ગયો છે. પોલીસ પેટ્રોલિંગ વિરુધ પણ અનેક સવાલો ઉભા થઇ રહ્યા છે. કોવિડ-19 ની માહામારી સામે રાત્રિ કર્ફ્યૂમાં કેટલાક અસામાજીક તત્વો ખુલ્લે આમ ફરી રહ્યા છે. ત્યારે પોલીસ ઊંઘી રહી હોવાનું સાબિત થયું છે. આખી ઘટનાના CCTV સાથે ચોક બજાર પોલીસ સ્ટેશનમાં ફરિયાદ રૂપી અરજી આપી છે. દીપકભાઈએ વધુમાં જણાવ્યું હતું કે, હજુ કોઈ અસામાજિક તત્ત્વ પકડાયું નથી.