મોટા સમાચાર: કાશ્મીરના બારામુલ્લામાં CRPF ટીમ પર થયો આંતકી હુમલો, ચાર જવાનો ઘાયલ

શુક્રવારે બપોરે ઉત્તર કાશ્મીરના બારામુલ્લા જિલ્લાના ખાનપોરા બ્રિજ પર સીઆરપીએફની ટીમ પર આતંકવાદીઓએ ગ્રેનેડ ફેંકી દીધો હતો. આ હુમલામાં ચાર CRPF જવાન અને એક નાગરિક ઘાયલ થયા છે. હુમલો કરનારા આતંકવાદીઓ સ્થળ પરથી નાચી છુટ્યા હતા. પરંતુ સુરક્ષા દળોએ આ વિસ્તારને ઘેરી લીધો છે અને સર્ચ ઓપરેશન શરૂ કરી દીધું છે.

મળતી માહિતી મુજબ, સેન્ટ્રલ રિઝર્વ પોલીસ ફોર્સ(CRPF)ની એક ટીમ ખાનપોરા બ્રિજ પરથી પસાર થઈ રહી હતી. ત્યારબાદ ઓચિંતો આતંકવાદીઓ સીઆરપીએફ ટીમ પર ગ્રેનેડ ફેંકીને ભાગવા લાગ્યા. હુમલાની પુષ્ટિ કરતાં એક પોલીસ અધિકારીએ જણાવ્યું કે, હુમલામાં ઘાયલ સીઆરપીએફ જવાન અને નાગરિકો બંનેને તાત્કાલિક હોસ્પિટલમાં ખસેડવામાં આવ્યા છે. તેની સારવાર ચાલી રહી છે. હુમલાખોરોની શોધમાં સંયુક્ત સર્ચ ઓપરેશન શરૂ કરવામાં આવ્યું છે.

Two CRPF jawans and a policeman were injured in a grenade attack in Baramulla town. Details awaited: Jammu and Kashmir Police

— ANI (@ANI) July 30, 2021

પોલીસના જણાવ્યા અનુસાર હુમલાખોરો હજુ પણ આ વિસ્તારમાં ક્યાંક છુપાયેલા છે. આ હુમલાનો જવાબ જરૂરથી આપવામાં આવશે. હજી સુધી કોઈ આતંકી સંગઠને આ હુમલાની જવાબદારી લીધી નથી. આ હુમલા અંગે વધુ વિગતોની રાહ જોવાઈ રહી છે. સ્વતંત્રતા દિવસને કારણે રાજ્યમાં આતંકવાદી હુમલાનો ખતરો વધી ગયો છે. પોલીસ અને સુરક્ષા દળ સંપૂર્ણ એલર્ટ પર છે. બીજી બાજુ, ડ્રેઇન એટેકનો ભય વધી ગયો છે.