લોહીયાળ બની પશ્ચિમ બંગાળની ચૂંટણી- ચાર વ્યક્તિઓ CISF ના ઓપન ફાયરમાં મર્યા

પશ્ચિમ બંગાળના કૂચ બિહારમાં રાજ્યની વિધાનસભાની ચૂંટણીના ચોથા તબક્કાની ચૂંટણીમાં 10 એપ્રિલને શનિવારે નવ બેઠકો મતદાન ચાલી રહ્યું છે, જ્યાં ઓછામાં ઓછા ચાર લોકોની ગોળી વાગવાથી મોત થયુ છે. સમાચાર એજન્સી પીટીઆઈ દ્વારા ટાંકવામાં આવેલા પોલીસ સૂત્રોના જણાવ્યા અનુસાર, કૂચ બિહાર( Cooch Behar) જિલ્લાના સીતલકુચીમાં ઇરાદાપૂર્વક હુમલો થતાં સેન્ટ્રલ ઇન્ડસ્ટ્રીયલ સિક્યુરિટી ફોર્સ (CISF) દ્વારા ગોળીબાર કરવામાં આવતાં ચાર લોકોનાં મોત નીપજ્યાં હતાં.

પહેલી ઘટના સવારે 8 વાગ્યાની આસપાસ બની હતી, વિધાનસભાના 44 મત વિસ્તારોમાં મતદાન શરૂ થયાના એક કલાકમાં “એક મૃતક આનંદ બર્મન, જે 18 વર્ષનો છે. તે પ્રથમ વખત મત આપી રહ્યો હતો. અમે આ મામલે બે લોકોની ધરપકડ કરી છે. જ્યારે ભાજપે દાવો કર્યો હતો કે બર્મન ભાજપ પાર્ટી સમર્થક છે, જયારે ટીએમસીએ આરોપ લગાવ્યો કે તેમને ભાજપ સમર્થકોએ ગોળી મારી દીધી હતી. બુથ નંબર 285 નજીક ભાજપ અને ટીએમસી કાર્યકરો અને સમર્થકો વચ્ચે ઘર્ષણ બાદ આ ઘટના બની હતી.

પોલીસના જણાવ્યા મુજબ, બીજી ઘટનામાં સેન્ટ્રલ ફોર્સના જવાનો પર હુમલો કરવામાં આવ્યો હતો અને જ્યારે તેઓએ જવાબી કાર્યવાહીમાં ફાયરિંગ કર્યું ત્યારે જાનહાની થઈ હતી. મૃતકોની સંખ્યામાં વધુ વધારો થઈ શકે તેમ એસપી ધારએ જણાવ્યું હતું.

દરમિયાન, તૃણમૂલ કોંગ્રેસ (ટીએમસી) ના નેતા ડોલા સેને આરોપ લગાવ્યો કે કેન્દ્રીય દળોએ બે વાર ગોળીબાર કર્યો હતો. “માથાભંગા (કૂચ બિહાર) ના બ્લોક 1 માં સીતલકુચી બ્લોકમાં એકનું મોત નીપજ્યું હતું અને ત્રણ ઘાયલ થયા હતા. કેન્દ્રીય દળ લોકો સાથે અન્યાય કરી રહી છે અને તેઓએ મર્યાદા ઓળંગી ગઈ છે. જ્યારે મુખ્યમંત્રીએ તેમને બોલાવ્યા ત્યારે ચૂંટણીપંચે તેમને નોટિસ ફટકારી હતી.