November 05, 2024
દીકરીઓના લગ્ન પિતાની સૌથી મોટી જવાબદારી છે. આ જવાબદારી પરિપૂર્ણ કરવા માટે, ઘણા પિતા લોન લઈને દીકરીના લગ્ન કરાવે છે. તેના દિલમાં એક જ ઈચ્છા છે કે તેની દીકરીના લગ્ન સારા ઘરમાં થાય અને તેનું ભવિષ્ય સુખથી ભરેલું હોય. આ માટે પિતા કોઈપણ કિંમત ચૂકવવા તૈયાર છે. ઉદાહરણ તરીકે, તમિલનાડુ (Tamil Nadu) ના 61 વર્ષીય પિતાને જ જોઈ લો, જેમણે દીકરીના લગ્ન માટે પોતાનું ઘર પણ વેચી નાખ્યું અને પોતે બસ સ્ટેન્ડમાં રહેવા તૈયાર થઇ ગયા.
આ વૃદ્ધ પિતા હવે બસ સ્ટેશનની છત નીચે રહેવા માટે મજબૂર છે, કારણ કે તેમની દીકરીઓના લગ્ન માટે થયેલા દેવાને કારણે તેમનું ઘર વેચાઈ ગયું છે. વાતચીત દરમિયાન, પિતાએ તેમની અગ્નિપરીક્ષા સંભળાવી હતી. તેણે કહ્યું કે તેની પાસે કપડાં, ટિફિન અને પાણીની બોટલ સિવાય કંઈ જ બચ્યું નથી. હવે તેમની પાસે કોઈ કામ નથી. તે પોતાના ખર્ચા અને ખાવા-પીવા માટે ભીખ માંગે છે. તેનું જીવન ખૂબ જ ખરાબ થઈ ગયું છે અને કોઈ તેની મદદ કરી રહ્યું નથી.
Trending News
પિતાએ જણાવ્યું કે, એક સમય હતો જ્યારે તેઓ તેમના ગામના જાણીતા લોક ગાયક હતા. તેમને તેમના ગામ અને આસપાસના વિસ્તારોમાં લગ્ન સમારંભો અને અન્ય કાર્યોમાં ગાવા માટે બોલાવવામાં આવ્યા હતા. લોકોએ તેને ખૂબ પસંદ પણ કર્યા હતા. પિતા વધુમાં કહે છે કે તેને ક્યારેય ખ્યાલ નહોતો કે તેની જિંદગી આવો વળાંક લેશે. તે ખુશીથી પોતાનું જીવન જીવી રહ્યા હતા અને તેના ગામમાં પણ ઘણા પ્રખ્યાત હતા. પરંતુ તેની પત્નીના મૃત્યુ પછી બધું બદલાઈ ગયું. તે શારીરિક, માનસિક અને આર્થિક રીતે નબળા પડી ગયા.
દીકરીઓના લગ્નથી દેવું સતત વધવા લાગ્યું. અંતે, તેની પાસે લોન ચૂકવવા માટે પોતાનું ઘર વેચવા સિવાય કોઈ વિકલ્પ બચ્યો ન હતો. હવે જ્યારે પિતા પાસે ઘર નથી, તેની પાસે માન્ય સ્થાનિક સરનામું કે બેંક ખાતું પણ નથી. જેના કારણે તે મનરેગામાં મજૂર તરીકે કામ કરવા માટે પણ લાયક નથી. પિતાનું કહેવું છે કે, તેમની પાસે ઓળખ કાર્ડ તરીકે આધાર કાર્ડ, રેશન કાર્ડ અને મતદાર કાર્ડ છે. સરકારી સ્કીમ મુજબ, તે માન્ય કાયમી સરનામા વગર બેંક ખાતું ખોલાવી શકતા નથી.
બેંક ખાતા વિના તેમને ન તો મનરેગામાં નોકરી મળી રહી છે કે ન તો વૃદ્ધાવસ્થા પેન્શન. જો કે, પિતાએ આ સંદર્ભે તેનકાસી જિલ્લા સત્તાવાળાઓનો સંપર્ક કર્યો હતો. તેમણે ખાતરી આપી છે કે તેઓ મનરેગા અને વૃદ્ધાવસ્થા પેન્શન હેઠળ કામ મેળવવામાં તેમની સમસ્યાનું સમાધાન શોધી કાઢશે.
મદસામી એક સાદો માણસ છે. જેની પત્નીનું પાંચ વર્ષ પહેલા અવસાન થયું હતું અને તેની દીકરીઓ લગ્ન બાદ રાજ્યના અલગ-અલગ શહેરોમાં રહે છે. તેમના કહેવા પ્રમાણે, તેમની કોઇપણ પુત્રી તેના વૃદ્ધ પિતાની મદદ કરવા આજે તૈયાર નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.