સુરત :2 દિવસ પેહલા તાપીમાં પડેલ બિલ્ડરની લાશ આજે મળી આવી.

ફાયરબ્રિગેડના સુત્રો પાસેથી મળેલી વિગત મુજબ નાના વરાછાના ચીકુવાડી પાસે સ્નેહ સ્મૃતિ સોસાયટીમાં રહેતા ૩૫ વર્ષીય બિલ્ડર શૈલેષભાઇ પ્રેમજીભાઇ વઘાસીયા ગુરૃવારે સવારે સવજી કોરાટ બ્રીજ પરથી નદીમાં કુદી પડયા હતા.

બે બોટમા ૮ ફાયરજવાનોએ  તેમની ૧૨ કલાક સુધી શોધખોળ કરવા છતા ભાળ મળી ન હતી. આજે સવારે સાડા છ વાગ્યે ફાયરઓફિસર ઇશ્વરભાઇ પટેલ તથા ફાયરજવાનો ત્યાં પહોંચી ગયા હતા.  ૩ ફાયર ઓફિસર તથા ૧૫ ફાયરજવાનોએ ચાર બોટમાં ફરી શોધખોળ આદરી. ઓકસીજન બોટલ  પહેરીને પાણીની અંદર પણ ગયા હતા. સવજી કોરાટ બ્રીજથી અશ્વની કુમાર સુધી ૪ કિલો મીટર અંતર નદીમાં સતત ૧૨ કલાક સુધી શોધખોળ કરી હતી. તેમછંતા મોડી સાંજે અંધારુ થયા સુધીમાં ભાળ ન હતી. અંધારૂ વધી જતા ફાયરજવાનોએ બહાર આવવુ પડયુ હતુ.