સુરતના હજીરામાં ઘરમાંથી મૃતદેહ મળી આવતા મચ્યો ચકચાર

સુરત(ગુજરાત): તાજેતરમાં સુરતમાંથી એક ચકચાર મચાવતો હત્યાનો બનાવ સામે આવ્યો છે. સુરતના દરિયા કિનારાના વિસ્તારમાં આવેલા હજીરાના દામકા ગામમાં મહિલાની હત્યા કરાયેલો મૃતદેહ ઘરમાંથી મળી આવતા પોલીસ દ્વારા તપાસ હાથ ધરવામાં આવી છે. જાણવા મળ્યું છે કે, રાત્રિ દરમિયાન પેટના ભાગે ઘા મારી વૃદ્ધ મહિલાની હત્યા કરાવામાં આવી છે.

જોકે, બીજી બાજુ માતા-પુત્રનો ઝગડો હત્યાનું કારણ હોય શકે એવી પણ આશંકાઓ કરવામાં આવી રહી છે. આ અંગે પોલીસ સૂત્રો દ્વારા જણાવા મળ્યું હતું કે, મૃતકનું નામ ગીતાબેન જોશી છે. તેમની ઉંમર લગભગ 51 વર્ષની આસપાસની છે. ઉપરાંત, ગીતાબેનને એક પુત્ર છે અને એ કર્મકાંડ કરી પરિવારને આર્થિક રીતે મદદરૂપ થતો આવ્યો હોવાનું સામે મળ્યું છે. વહેલી સવારે ગીતાબેન એમના જ ઘરમાંથી હત્યા કરાયેલી હાલતમાં મૃતદેહ મળી આવ્યા બાદ પોલીસ દ્વારા ઘટના સ્થળે દોડી તપાસ હાથ ધરવામાં આવી છે.