એકટીવા પર પુત્ર સાથે જઈ રહેલી મહિલા બની લુટારુઓનો શિકાર- જુઓ દિલધડક CCTV ફૂટેજ

ગ્વાલિયર: હાલમાં એક ચકચારી લુંટની ઘટના બનવા પામી છે. જેમાં બુધવારે સાંજે બે બદમાશોએ કમ્પ્યૂટર બિઝનેસમેનની પત્નીના એક્ટિવાને ઓવરટેક કરી હતી અને ગળામાં રહેલી ચેઇન ખેચી લીધી હતી. જ્યારે મહિલાએ ચેઈન બચાવવાનો પ્રયત્ન કર્યો તો તેણે તેને ગોળી મારી દેવાની ધમકી આપી. આ મહિલા સાથે તેનો પુત્ર પણ હતો.

બદમાશોનું વર્તન જોઈને મહિલાએ ચેઈન લઇ જવા દીધી. આ સમગ્ર ઘટના નજીકના ઘરમાં લાગેલા સીસીટીવી કેમેરામાં કેદ થઈ ગઈ છે. ઘટનાની માહિતી મળતા જ પોલીસ ઘટના સ્થળે પહોંચી હતી. પોલીસે શહેરમાં નાકાબંધી કરી છે, પરંતુ સફળતા મળી નથી. ચોરાયેલી ચેઇનની કિંમત 65 હજાર રૂપિયા હોવાનું જાણવા મળ્યું છે.

મળતી માહિતી મુજબ, ઉપનગરીય ગ્વાલિયરના કિલગેટના રહેવાસી વિક્રાંત સિંહ ચંદેલ કોમ્પ્યુટર એન્જિનિયર છે. તેમજ જયેન્દ્રગંજ રાજીવ પ્લાઝાની સામે કોમ્પ્યુટર હાર્ડવેરની દુકાન છે. તેની પત્ની સુષ્મા ચંદેલ બુધવારે સાંજે પુત્રની લક્ષ્મીબાઈ કોલોની ખાતે કોચિંગ ક્લાસ છોડવા જઈ રહી હતી. સેવાનગરનો રસ્તો ખરાબ હતો, તેથી તે કાંતિ નગર અને ગાંધી નગર થઈને લક્ષ્મીબાઈ કોલોની જઈ રહી હતી. તે કાંતિ નગર પહોંચી ત્યારે બાઇક પર સવાર બે યુવકો તેને ઓવરટેક કર્યા બાદ આગળ આવ્યા હતા.