પરણીતાને સાસરિયાંએ નિર્વસ્ત્ર કરી આખા ગામમાં ફેરવી, CM રૂપાણીએ કહ્યું- આરોપીઓને…

ગાંધીનગર(ગુજરાત): હાલમાં કેબિનેટ બેઠકમાં દાહોદ જિલ્લાના ધાનપુર તાલુકાના ખજૂરી ગામે પરિણીતાને પતિ અને સાસરિયાંઓ દ્વારા નિર્વસ્ત્ર કરવાની ઘૃણાસ્પદ ઘટનાના પડઘા પડ્યા હતા. અખબારી અહેવાલને પગલે સરકાર દ્વારા ગંભીર નોંધ લેવામાં આવી છે. મુખ્યમંત્રી વિજય રૂપાણી દ્વારા આરોપીઓ સામે દાખલો બેસે એવી કડક કાર્યવાહી કરવા ગૃહમંત્રીને સૂચના આપવામાં આવી હતી.

આ અંગે નાયબ મુખ્યમંત્રી નીતિન પટેલે કહ્યું હતું કે, મુખ્યમંત્રી વિજય રૂપાણીએ આ ઘટનાને સંવેદનશીલતાથી લીધી છે. આ ઘટનામાં પોલીસ દ્વારા ગુનો દાખલ કરીને મોટા ભાગના આરોપીઓની ધરપકડ પણ કરવામાં આવી છે. બીજી બાજુ, મુખ્યમંત્રીની સૂચના બાદ દાહોદ કલેક્ટર અને એસપી ખુદ આ કેસમાં ફોલોઅપ લઇ રહ્યા છે.

કલેક્ટર હર્ષિત ગોસાવી અને એસપી હિતેશ જોયસરના જણાવ્યા મુજબ, આ ઘટનાની જાણ થતાં પોલીસ દ્વારા 12 તારીખે સાંજે ફરિયાદ દાખલ કરવામાં આવી હતી. તેમજ પીડિત પરિણીતાનું કાઉન્સેલિંગ કરવામાં આવ્યું હતું. દાહોદ જિલ્લાના અન્ય પોલીસ સ્ટેશનના કર્મચારીઓની મદદ લઇને કોમ્બિંગ કરીને 19 પૈકી 14 આરોપીની ધરપકડ કરવામાં આવી છે. પીડિતાને પણ પોલીસનું રક્ષણ આપવામાં આવ્યું છે.

મારે ચાર બાળકો છે, બધાનાં લગન કરી દીધાં છે, કોઈને તકલીફ નથી. મારી આ બીજા નંબરનીને જમાઇ ત્રાસ આપતો હતો. એટલે અમે મજૂરીકામે તેને અમારી સાથે જ રાખતાં હતાં. મારી છોકરીને ત્રણ કલાક ફેરવી હતી. તેનાં ચીંથરાં ખેંચી નાખ્યાં, તેમને કડકમાં કડક સજા થવી જોઈએ. પોલીસનો અમને ઘણો સાથ મળ્યો, મારી દીકરીનું છૂટું કરાવી આપો.