પોલીસ માથું ખંજવાળતી રહી ગઈ ને, કુખ્યાત આરોપી પોલીસના નાક નીચેથી ફિલ્મીઢબે થયો છુમંતર -Trishul News

હાલમાં વડોદરાના પાદરામાંથી એક એવી આશ્ચર્યજનક ઘટના સામે આવી છે જે જાણીને પોલીસ પણ ગોટે ચડી હતી. પાદરાના વડું પોલીસ દ્વારા પ્રોહીબિશનના ગુનામાં આરોપી અશોક કિશનરામ બિશ્નોઈની ધરપકડ કરવામાં આવી હતી. જાણવા મળ્યું છે કે, આરોપી છેલ્લા ઘણા દિવસથી પોલીસના જાપ્તામાં હતો. પરંતુ, આરોપીનો કોરોના રીપોર્ટ પોઝીટીવ આવ્યો હતો જેથી તેને પાદરાના કોવિડ સેન્ટર ખાતે ખસેડવામાં આવ્યો હતો.

આ દરમીયાન રવિવારે મોદી રાત્રે આ આરોપી ફિલ્મી સ્ટાઈલે પાદરાના કોવિદ સેન્ટરના બાથરૂમની બારી તોડીને ચડ્રનું દોરડું નીચે ઉતારીને ભાગી ગયો હતો. આ દરમિયાન પાદરા પોલીસના જાપ્તામાંથી જ આરોપી ફરાર થતા પાદરા પોલીસની બેદરકારી સામે આવી હતી.

ત્યારબાદ સમગ્ર ઘટનાને પગલે વડોદરા જીલ્લાની વિવિધ એજન્સીઓ વહેલી સવારે પાદરા ખાતે પહોચી હતી. અને તપાસ હાથ દર્વામાં આવી હતી. પરંતુ, 24 કલાક કોવિડ સેન્ટર પાસે પાદરા પોલીસના બંદોબસ્તની પોલ ખુલતા બેદરકારી સામે આવી હતી. આ દરમિયાન અને ગુનામાં સંડોવાયેલ આ કુખ્યાત આરોપી ફરાર થતા પોલીસ પર પણ ઘણા સવાલ ઉભા થયા છે.