November 24, 2024
Accident in Valsad: રાજ્યમાં ગોઝારા અકસ્માતના કેસમાં દિવસેને દિવસે વધારો થઇ રહ્યો છે.જેમાં રોજબરોજ કેટલાય લોકોના મોત થયા હોવાની ઘટના સામે આવતી હોઈ છે.ત્યારે ગતરોજના ફરી એકવાર વલસાડ જિલ્લામાંથી અકસ્માતની ઘટના સામે આવી હતી.જેમાં વલસાડનો(Accident in Valsad) યુવક વાંસદા રહેતી તેમી મંગેતર સાથે બાઈક પર દમણ ફરવા જઈ રહ્યો હતો. દરમિયાન નદીના પુલ ઉપર અજાણ્યા વાહને બાઈકને ટક્કર મારતા યુવક-યુવતી પટકાયા હતા. જે ઘટનામાં અજાણ્યા વાહનનું ટાયર યુવતી પર ફરી વળતા તેનું મોત નીપજ્યું હતું.
અજાણ્યા વાહને ટક્કર મારતા યુવતીનું મોત
આ ઘટના વિષે વિગતવાર વાત કરીએ તો, વલસાડ ખાતે રહેતો 26 વર્ષીય યુવક શૈલેષ સોનીભાઈ ગવળી તેની વાંસદા ખાતે રહેતી 23 વર્ષીય મિત્ર સાથે બાઈક પર સવાર થઈ દમણ ફરવા જઈ રહ્યો હતો. દરમિયાન પાર નદીના પુલ ઉપર પાછળથી આવતા અજાણ્યા વાહને બાઈકને ટક્કર મારતા બાઈક પર સવાર યુવક-યુવતી નેશનલ હાઈવે પર પટકાયા હતા. જે ઘટનામાં અજાણ્યા વાહનનું ટાયર યુવતી પર ફરી વળતા તેને મોઢા તથા શરીરના ભાગે ગંભીર ઇજાઓ પહોંચી હતી.જે બાદ તેને તાત્કાલિક સારવાર અર્થે હોસ્પિટલ ખસેડવામાં આવી હતી જેમાં તેનું મોત થયું હોવાનું ડોક્ટરએ જણાવ્યું હતું.
યુવકને સિવિલમાં ખસેડાયો
અજાણ્યો વાહનચાલક ઘટના સ્થળેથી ભાગી છુટ્યો હતો.આ ઘટના બનતા રાહદારીઓ દોડી આવ્યા હતા અને 108 એમ્બ્યુલન્સને જાણ કરતાં બંન્નેને વલસાડ સિવિલ હોસ્પિટલમાં દાખલ કરાયા હતા.જ્યાં યુવતીને તબીબે મૃત જાહેર કરી હતી.જ્યારે યુવકને સારવાર અપાઇ હતી.સમગ્ર બનાવને પગલે યુવતીના પરિવારજનોમાં શોકની કાલિમા છવાઈ ગઈ છે.
Trending News
ગતરોજ દ્વારકા જતું યુગલ પણ અકસ્માતમાં મોતને ભેટ્યું
ગતરોજના દ્વારકા જામનગર હાઇવે પર એક યુગલ તેમના પરિવાર સાથે દ્વારકા જઈ રહ્યું હતું તે દરમિયાન ભારે ધુમ્મ્સના કારણે તેની કર ખાડીમાં પડી જતા તે યુવક અને યુવતીનું ઘટના સ્થળ પર જ કમકમાટી ભર્યું મોત નીપજ્યું હતું.આ યુવક અને યુવતીના મહિના બાદ રૂડા લગ્ન લેવાઈ ચુક્યા હતા ત્યારે આ ઘટનાને પગલે તેના પરિવારમાં આક્રન્દ છવાઈ ગયું હતું.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લaખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube