November 24, 2024
દિલ્હીની શાળાઓમાં ભણતા બાળકો હવે આંતરરાષ્ટ્રીય સ્તરનું શિક્ષણ મેળવવા જઈ રહ્યા છે. કેજરીવાલ સરકારે દિલ્હી શિક્ષણ બોર્ડ અને આંતરરાષ્ટ્રીય શિક્ષણ બોર્ડ વચ્ચે મહત્વનો કરાર કર્યો છે. આ પછી બાળકો આંતરરાષ્ટ્રીય સ્તરનું શિક્ષણ મેળવી શકશે. મુખ્યમંત્રી અરવિંદ કેજરીવાલે પત્રકાર પરિષદ યોજીને આવો દાવો કર્યો છે.
મુખ્યમંત્રી કેજરીવાલે કહ્યું કે દિલ્હી બોર્ડ ઓફ સ્કૂલ એજ્યુકેશને આંતરરાષ્ટ્રીય શિક્ષા બોર્ડ સાથે મહત્વનો કરાર કર્યો છે અને આનાથી દિલ્હીની શાળાઓના બાળકોને ગુણવત્તાયુક્ત શિક્ષણ મળશે. દિલ્હીની સરકારી શાળાઓમાં પણ બાળકોને આંતરરાષ્ટ્રીય કક્ષાની શિક્ષણ સુવિધાઓ આપવામાં આવશે. તેમણે કહ્યું કે દિલ્હી શિક્ષણ બોર્ડ હેઠળ આવતી તમામ શાળાઓ હવે આંતરરાષ્ટ્રીય ધોરણનું શિક્ષણ મેળવી શકશે.
કેજરીવાલે કહ્યું કે, દિલ્હીમાં આપની સરકાર આવ્યા બાદ સરકારી શાળાઓમાં મોટો સુધારો થયો છે અને બાળકોના પરિણામોમાં પણ સુધારો થયો છે. તેમણે કહ્યું કે આ કરાર બાદ દિલ્હીની સરકારી શાળાઓમાં અભ્યાસ કરતા ગરીબ બાળકોને પણ શ્રીમંત બાળકોની જેમ આંતરરાષ્ટ્રીય ધોરણની શૈક્ષણિક સુવિધાઓ મળશે. તેમણે કહ્યું કે વિદેશની નિષ્ણાતો દિલ્હીની શાળાઓમાં આવશે અને હાલમાં 30 શાળાઓ તેની સાથે જોડાયેલી છે. કેજરીવાલે કહ્યું છે કે, શાળાઓના શિક્ષકોને વિદેશના નિષ્ણાતો દ્વારા તેમજ બાળકોનું મૂલ્યાંકન કેવી રીતે કરવું તેની તાલીમ પણ આપવામાં આવશે અને તે પણ આંતરરાષ્ટ્રીય બોર્ડ અનુસાર કરવામાં આવશે.
Trending News
દેશને નવી દિશા મળશે:
મુખ્યમંત્રીએ કહ્યું છે કે, વિદેશના નિષ્ણાતો દિલ્હીની શાળાઓની મુલાકાત લેશે અને તેમની ખામીઓ શોધી કાશે જેથી તેઓ આંતરરાષ્ટ્રીય ધોરણો અનુસાર સુધારી અને ઘડી શકાય. સાથે, આ નિષ્ણાતો શાળાઓનું વેરિફિકેશન પણ કરશે અને તેમને પ્રમાણિત કરવાનું કામ પણ કરવામાં આવશે. તેમણે કહ્યું કે દિલ્હીએ આ કામ શરૂ કરી દીધું છે અને આવનારા સમયમાં આ પગલું દેશને દિશા બતાવવાનું કામ કરશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.