કાર અકસ્માતમાં બે માસુમોની નજર સામે પિતાએ લીધા અંતિમ શ્વાસ- જાણો કયાની છે આ ગમગીન ઘટના

હાલ અકસ્માતના વધતા કેસોમાં ફરીવાર જામનગર જિલ્લાના કાલાવડના ભાવભી ખીજડીયા ગામ પાસે બે કાર વચ્ચે ગમખ્વાર અકસ્માત થયો હોવાનું સામે આવ્યું છે. જેમાં બે માસૂમોની નજર સામે બેન્ક કર્મચારી પિતાનું મૃત્યુ થયું હતું. જ્યારે માતાને ગંભીર હાલતમાં હોસ્પિટલમાં દાખલ કરવામાં આવી છે. આ દરમિયાન પિતાની મોતને નજરે જોનારા બે માસુમ બાળકો પૈકી મોટોભાઈ જ્યારે નાનાભાઈને હોસ્પિટલમાં હૈયા ધારણા આપી રહ્યો હતો ત્યારે હોસ્પિટલમાં કરૂણ દ્રશ્યો જોવા મળ્યા હતા. ભાઈએ બહેનને જ્યારે ‘કુદરત રુઠ્યો પણ હું તો છું ને’ એવું કહેતા હોસ્પિટલમાં દુ:ખદ વાતાવરણ છવાઈ ગયું હતું.

મળતી માહિતી મુજબ, કાલાવડ તાલુકાના ભાવભી ખીજડીયા ગામ પાસે આજે બે કાર વચ્ચે સામસામે ટક્કર થઇ હતી. જેમાં પરિવાર સાથે જામનગરથી જૂનાગઢ તરફ જઈ રહેલ કાર સવાર વિજય જૈનનું ઘટના સ્થળે જ કમકમાટી ભર્યું મોત નીપજ્યું હતું.

જયારે તેમના પત્નીને માથા સહિતના ભાગે ઈજાઓ પહોચતા તાત્કાલિક જામનગર હોસ્પિટલ ખસેડવામાં આવ્યા હતા. આ બનાવમાં સામેની કારમાં સવાર એક આધેડ અને તેની બે ભાણેજને પણ ઈજાઓ પહોચી હોવાનું જાણવા મળ્યું છે. આ ઉપરાંત જાણવા મળ્યું છે કે, જૂનાગઢમાં અભ્યાસ કરતી વિદ્યાર્થીઓને હોળીના તહેવારની રજાઓ હોવાથી તેનાં મામા તેડીને કાલાવડ તરફ આવતા હતા.

બીજી તરફ પિતાનું નજર સામે મૃત્યુ અને માતાની ગંભીર હાલત જોઈ તેના બંને માસૂમ બાળકો હેબતાઈ ગયા હતા. આઠથી દસ વર્ષના મોટાભાઈ દ્વારા તેની નાની બહેનને જામનગરની હોસ્પિટલમાં સાથ આપી જે હૈયારખી આપી તે જોઈને કઠોર હૃદયના માનવીનું હૈયું પણ પીગળી જાય તેવા દ્રશ્યો સામે આવ્યા હતા.