મામલતદાર કચેરી નજીક અંગ્રેજી દારૂની બોટલો મળતા લોકતંત્રમાં ઉથલપાથલ

નાના હતા ત્યારે ભણવામાં આવતું કે “રક્ષક જ ભક્ષક બને તો ?”. લોકો આ વાક્યને સારી રીતે જાણતા હશે. હાલમાં ગુજરાતમાં સંપૂર્ણપણે દારૂબંધી કરવામાં આવી છે, તેમ છતાં લોકો છુપી રીતે દારૂ લાવીને વ્યાપાર કરતા કેસ સામે આવે છે. પણ અહિયાં સામન્ય નાગરિકની વાત છે, પરંતુ અહિયાં એક એવી ઘટના સામે આવી છે કે મામલતદાર કચેરી નજીક દારૂની બોટલો મળી આવ્યાની ઘટના સામે આવી છે.

આ ઘટના રાણપુરની છે. રાણપુર મામલતદાર કચેરી પાસે અંગ્રેજી દારૂની બોટલો મળી આવતા લોકોમાં ચકચાર મચી જવા પામ્યો હતો. મામલતદાર કચેરી પાસે દારૂની બોટલો મળી આવી હોવાની વાત વાયુવેગે ફેલાતા લોકોના ટોળેટોળા જોવા ઉમટી પડયા હતા. દારૂની ખાલી બોટલો જોઇને લોકો અનેક ચર્ચા કરતા નજરે પડયા હતા.

રાણપુર મામલતદાર કચેરી પાસે તા. ૧૨ નવેમ્બરના રોજ સવારે વિદેશી દારૂની બોટલો આવતા ચકચાર મચી ગયો હતો. ગાંધીના ગુજરાતમાં દારૂબંધીની મસમોટી વાતો વચ્ચે ઝવેરચંદ મેઘાણીની કર્મભૂમિ રાણપુર શહેરની મામલતદાર કચેરી પાસે દારૂની બોટલો પડી હોવાની વાત વાયુવેગે ફેલાતા લોકોના ટોળેટોળા દારૂની બોટલો જોવા ઉમટી પડયા હતા.