મોડી રાતે પ્રેમિકાને મળવા પહોચ્યો પ્રેમી, પકડાઈ જતા કરાવી દીધા બંનેના લગ્ન

બિહાર (Bihar)ના બેતિયામાં એક પ્રેમી યુગલના લગ્નનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે (Bettiah Viral Video). વાયરલ થયેલા આ લગ્ન યોગપટ્ટી વિસ્તારના પિપરા નૌરંગિયા પંચાયતના લાલગઢ ગામનો છે.

વાસ્તવમાં પ્રેમી પોતાની પ્રેમિકાને મળવા માટે રાતના અંધારામાં બાઇક દ્વારા તેના ગામ પહોંચ્યો હતો. અજાણ્યા યુવકને ગામમાં ફરતો જોઈ સ્થાનિક લોકોએ તેની પૂછપરછ કરી હતી. અહીં-તહીં વાત કર્યા બાદ આખરે પ્રેમીનું સત્ય સામે આવ્યું અને તેને ગ્રામજનોએ બંધક બનાવી લીધો.

રાત્રે પ્રેમિકાને મળવા પહોંચ્યો હતો પ્રેમીઃ
મળતી માહિતી મુજબ, જગદીશપુર પોલીસ સ્ટેશન વિસ્તારના પાકિડિયા પંચાયતના શિવરાહી મઠિયા ગામનો રહેવાસી રજનીશ કુમાર મંગળવારે મોડી રાત્રે તેની પ્રેમીકાને મળવા માટે બાઇક દ્વારા યોગપટ્ટી બ્લોકના લાલગઢ ગામમાં પહોંચ્યો હતો.

મોડી રાત્રે ગામમાં શંકાસ્પદ યુવકને ફરતો જોઈ ગ્રામજનોએ યુવકને પકડીને પૂછપરછ કરી હતી. પૂછપરછ દરમિયાન જાણવા મળ્યું હતું કે યુવક ગામની એક યુવતીને મળવા આવ્યો હતો. જે બાદ ગ્રામજનોએ પ્રેમીને રાતભર રૂમમાં કેદ કરી રાખી હતી.