સરકારનો નિર્ણય: હવે લગ્ન પહેલા કરવો પડશે 3 મહિનાનો કોર્સ, જો પાસ થયા તો જ થશે લગ્ન

આપણે દરેક જાણીએ છીએ કે ભારત પ્રાચીનતા અને વિવિધતાથી ભરેલો દેશ છે. ખુબ પ્રાચીન સમયથી જ ભારત દુનિયામાં આગળ છે. આપણે ત્યાં લગ્ન પહેલા ઘણા પરિવારો યુવક યુવતીની કુંડળી સરખી કરાવતા હોય છે. જોકે ઈન્ડોનેશિયાની સરકારે હવે લગ્ન કરવા માટે એક અલગ જ પ્રકારનો કાયદો બનાવ્યો છે.

ઈન્ડોનેશિયા સરકારના આદેશ મુજબ લગ્ન કરવા લાયક દરેક યુવક અને યુવતીને એક ખાસ કોર્સ કરાવવામાં આવશે. જેમાં તેમને દાંપત્ય જીવનમાં તાલમેલ કેવી રીતે જાળવવો, ઘરમાં માતા-પિતા અને પરિવારની સંભાળ કેવી રીતે કરવી અને બાળકોનો ઉછેર કેવી રીતે કરવો તેની તાલીમ આપવામાં આવશે. જો કોઈ યુવાન-યુવતી આ કોર્સમાં નાપાસ થશે તો તેને લગ્ન કરવાનો અધિકાર નહી મળે.

ઈન્ડોનેશિયાના અખબારના અહેવાલ મુજબ સરકાર નવા વર્ષથી કોર્સની શરુઆત કરશે. 2020 માં લગ્ન કરવા માંગતા દરેક યુવાએ આ કોર્સ ફરજીયાત કરવો પડશે. સરકારનું કહેવું છે કે, દેશના યુવાઓ જવાબદાર નાગરિક અને જીવનસાથી બને તેવો હેતુ આ કોર્સ શરૂ કરવા પાછળનો છે.