છેલ્લા 12 દિવસથી ગુમ છે સિવિલમાં દાખલ વૃદ્ધા- પરિવારે તંત્રને પૂછ્યું તો એવો જવાબ આપ્યો કે માનવતા મરી પરવારી

કોરોના મહામારીથી બચવા આજે દરેક લોકો ખુબ પ્રયત્નો કરી રહ્યા છે. હવે લોકો સમજી ગયા છે કે, પાણી માથા ઉપરથી વહેવા લાગ્યું છે. કોરોનાએ આજે રાજ્યના મોટાભાગના મહાનગરોમાં પોતાનો પગપેસારો કરી દીધો છે. મહાનગરોના મોટાભાગના ઘરોમાં કોરોનાએ પોતાનું સ્વરૂપ બતાવ્યું છે અને લોકોએ કોરોનાને ગંભીરતા પૂર્વક લેવાનું શરુ કર્યું છે.

પરિસ્થિતિ એવી સર્જાઈ છે કે, કોરોનાથી સાજા થનાર લોકોની સંખ્યામાં ઘટાડો થયો છે અને મૃત્યુદરમાં વધારો થઇ રહ્યો છે.  જો કોઈને પણ કોરોના આવ્યો હોય અને હોસ્પિટલમાં દાખલ થયા હોય તો, તેમના ઘરે પાછા આવવાની સંભાવના હાલ ખુબ જ ઘટી ગઈ છે. કારણ કે, કોરોના મહામારી ગયા વર્ષ કરતા પણ આ વર્ષે વધારે વકરી છે.

કોરોનાની સારવાર માટે લોકો સિવિલ બહાર લાંબી લાઈનોમાં ઊભા રહે છે અને રાહ જોતા હોય છે કે, ક્યારે તેમના સ્વજનનો વારો આવે, જેથી તેમની સારવાર વહેલી તકે શરૂ થાય. પરંતુ આ દરમિયાન રાજકોટ સિવિલ હોસ્પિટલની ઘણી બેદરકારી સામે આવી છે.

જાણવા મળ્યું છે કે, ગઈ કાલે એક એવો કિસ્સો સામે આવ્યો જેને સાંભળી અરેરાટી મચી જાય. સિવિલ હોસ્પિટલમાં તારીખ 13 એપ્રિલના રોજ વિજયાબેન નામના વૃદ્ધાને દાખલ કરવામાં આવ્યા હતા. ત્યારબાદના 12 દિવસ વીતી ગયા પછી પણ તેમનો કોઈ પત્તો નથી.