મહિલાનો વેશ ધારણ કરીને લુંટ મચાવતી ગેંગનો RR સેલની ટીમે કર્યો પર્દાફાશ .. – જાણો સમગ્ર ઘટના 

હાલમાં કોરોનાની મહામારી સમગ્ર વિશ્વમાં ચાલી રહી છે. આની સાથે જ ઘણી ઘટનાઓ સામે આવતી હોય છે. આપઘાત તેમજ હત્યા કરવાંની ઘટનાઓમાં સતત વધારો જ થતો જાય છે. હાલમાં પણ ફરી એકવાર આવી જ એક ઘટના સામે આવી રહી છે.

R.R. સેલનાં પો.સ.ઇ. A.J.અસારીઓનાં સંકલન હેઠળ ફરી રહેલ આરોપીઓની બાતમીદારો દ્વારા જાણકારી એકત્ર કરવામાં આવેલ તેમજ એનાં ફળ સ્વરૂપ R.R.સેલની ટીમનાં હે.કો. અજયિસંહ ચુડાસમાને મળેલ જાણકારીને અધારે પો.સ.ઇ. એ.જે.અસારી તેમજ A.S.I. હરીશચંદ્રસિંહ પ્રભાતસિંહની ટીમે 17/08/2020 નાં રોજ તારાપુર પોલીસ સ્ટેશનની લૂંટ તથા મોરબી જીલ્લાનાં માળીયામીયાણા પોલીસ સ્ટેશન ધાડ,લુંટ તેમજ મર્ડરનાં ખુંખાર આરોપી રમજાન ઉર્ફે રહીમ દાઉદભાઇ કરીમભાઇ સંધીને ઝબ્બે કરીને તારાપુર પોલીસ સ્ટેશનને સોંપવામાં આવેલ છે.

આરોપી ધાડ-લુંટ જેવાં ગંભીર પ્રકારનાં ગુનાઓ કરવાં માટે સંડોવાયેલ છે. અગાઉ પણ આરોપીએ આણંદ, અમદાવાદ શહેર તેમજ નડીયાદ જીલ્લા વિસ્તારમાં ગુનાહિત પ્રવૃત્તિ આચરીને ઘણો આતંક મચાવ્યો છે. આરોપીની વિરુદ્ધ આણંદ, અમદાવાદ શહેરમાં આવેલ સોલા તેમજ નડીયાદ જીલ્લા ખાતે જુદાં-જુદાં ગુનાઓ પણ દાખલ કરવામાં આવેલ છે.

જેમાં આરોપીની ધરપકડ પણ કરવામાં આવેલ છે.આરોપી એ પોતાની જ ગેંગનાં સભ્યોની સાથે રાત્રીનાં સમયે સ્ત્રીનો વેશ ધારણ કરાવીને હાઇવે રોડ ઉપર આવતાં-જતાં મોટા વાહનો તેમજ ટ્રકનાં ડ્રાઈવરોને રોકીને અજાણી જગ્યાએ લઇ જઇને બાંધી દઇને ઢોરમાર મારીને રોકડ રકમ, દાગીના તેમજ મોબાઇલની લૂંટ મચાવીને નાસી છુટતાં હતાં.