અરે બાપરે! રસ્તા પર દોડતી ગાય ધડામ દઈને સામેથી આવતી કાર પર કુદી પડી – જુઓ કાળજું કંપાવી દેતો LIVE વિડીયો

વડોદરા(ગુજરાત): આજકાલ અનેક શહેરોમાંથી રખડતા ઢોરોનો આતંક સામે આવી રહ્યા છે. ત્યારે વડોદરા(Vadodara) શહેરમાં રખડતાં ઢોરનો આતંક રોજેરોજ વધી ગયો હોય તેવું લાગી રહ્યું છે. પાલિકા તંત્ર દેખાડા પૂરતી કાર્યવાહી કરે છે, ત્યારે વડાપ્રધાન મોદી(Prime Minister Modi)ના સભા સ્થળથી માંડ એક કિ.મી. દૂર વાઘોડિયા રોડ(Waghodia Road) પર અચાનક રોડ પર દોડી આવેલી ગાય કાર સાથે અથડાઈ હતી.

સોશિયલ મીડિયા પર વાઇરલ થયેલા આ અકસ્માતના CCTV ફૂટેજમાં જોઈ શકાય છે કે, બેફામ દોડી આવેલી ગાય ભટકાતાં કારનો આગળનો ભાગ ભુક્કો થઇ ગયો હતો અને એમાં બેઠેલા બે લોકોને ઇજા પણ થઈ હતી. મળતી માહિતી મુજબ, વડાપ્રધાન મોદીની સભા જ્યાં છે એ લેપ્રસી મેદાનથી માંડ એક કિ.મી. દૂર વાઘોડિયા રોડના પ્રભુનગરથી વર્ષા સોસાયટી જવાના માર્ગ પર ક્રિષ્ના પાર્ક સોસાયટીના ટીપી રોડ પર આ ઘટના બનવા પામી હતી.

 

View this post on Instagram

 

A post shared by Trishul News (@trishulnews)

ગાય એટલી જોરથી ભટકાઈ હતી કે, કારનું બોનેટ તૂટી ગયું હતું અને આગળના બમ્પર અને કારની વિન્ડ સ્ક્રીનના ભુક્કા બોલી ગયા હતા. બુધવારે બપોરે થયેલા ધડાકાભેર અકસ્માતથી રહીશો પણ બહાર દોડી આવ્યા હતા. જાણવા મળ્યું છે કે, કારચાલક અને સાથીને ઈજા થતાં થોડી વાર બાદ તેઓ કારની બહાર આવ્યા હતા.