બોર્ડની પરીક્ષામાં વિદ્યાર્થીઓને બહારથી ખુલ્લેઆમ મળી રહી હતી કાપલીઓ, પોલીસ પણ રોકી ન શકી

હરિયાણામાં બોર્ડની પરીક્ષાના બીજા દિવસે ધોરણ-10નું સામાજિક વિજ્ઞાનનું પેપર શરૂ થતાં જ સોશિયલ મીડિયા પર આવી ગયું હોવાની ચર્ચાએ હાલમાં દોર પકડયો છે. તેના આધારે જ પરીક્ષાકેન્દ્રોમાં ચોરી થતી રહી. ચોરી કરાવનારા વય્ક્તિઓ પરીક્ષાકેન્દ્રોની અંદર ઘૂસીને વિદ્યાર્થીઓ સુધી કાપલી પહોંચાડતા રહ્યા. પોલીસકર્મીઓ નજીકમાં ઊભા રહીને જોતા રહ્યા પણ ચોરી રોકી શકયા નહીં.

હરિયાણામાં બુધવારના રોજ 309 કોપી કેસ નોંધાયા છે. 15 સુપરવાઇઝરને ડ્યુટીમાંથી કાઢી નાખવામાં આવ્યા છે. રોહતકમાં એક કેન્દ્રની પરીક્ષા રદ કરીને કેન્દ્ર જ શિફ્ટ કરી દેવાયું. બોર્ડની પરીક્ષાના પહેલા જ દિવસે 175 કોપી કેસ નોંધાયા હતા. 4 કેન્દ્ર પર પરીક્ષા રદ થઇ હતી.

હરિયાણા બોર્ડ ટ્રસ્ટીનું કહેવું છે કે, સેન્ટરમાં ફોન બૅન છે તો પછી 12:30 વાગ્યે શરૂ થયેલું પેપર વૉટ્સઍપ પર કેવી રીતે આવી ગયું તે મોટો સવાલ છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.