વેરાવળમાં એકાએક ત્રણમાળનું મકાન થયું પળવારમાં ધરાસાયી- જુઓ LIVE વિડીયો

સોમનાથ(ગુજરાત): હાલમાં વરસાદે સમગ્ર રાજ્યમાં ભારે તારાજી સર્જી છે. આ દરમિયાન, વેરાવળમાં ધાણીશેરીમાં રવિવારે ત્રણ માળનું મકાન ધરાશાયી થયું છે. જેનો લાઇવ વીડિયો ખુબ જ વાયરલ થઇ રહ્યો છે. શહેરનાં જુની સેલટેકસવાળી ગલીમાં મંજુરી વગર જેસીબીથી 10 થી 15 ફુટનો ખાડો ખોદેલો હતો. માનવામાં આવી રહ્યું છે કે, તેની બાજુમાં ત્રણ માળનું બિલ્ડીંગ પહેલા નમી ગયું હતું. જેથી 12 સભ્યો સતર્કતા રાખીને બહાર નિકળી ગયા હતા.

તેમણે આ અંગે પોલીસમાં અરજી પણ આપી હતી. જાણવા મળ્યું છે કે, આ મકાન રવિવારે બપોરે 4 વાગ્યાની આસપાસ ધડાકા ભેર તૂટી પડ્યું હતું. આ મકાન ધરાશાયી થતા તમામ માલસામાન દટાઇ ગયો છે. સદનસીબે આ દૂર્ઘટનામાં કોઇ જાનહાની થઇ નથી. મળતી માહિતી મુજબ, ધાણીશેરી ગલીમાં એક પ્રિન્ટીંગ પ્રેસ આવેલું છે. તે આખું મકાન પાડવામાં આવ્યું હતું.

આ મકાનનું નવા મકાન માટે બાંધકામ ચાલી રહ્યું હતુ. જેથી અહીં 10થી 15 ફૂટનો ખાડો ખોદ્યો હતો. આની બાજુમાં રહેતા બાબુભાઇ ભીખાભાઇ માલમડી, વિજયભાઇ માલમડી બન્ને પરિવાર ત્રણ માળના મકાનમાં રહેતા હતા. તેમનું મકાન 17મી તારીખનાં રોજ નમી ગયું હતું. જેથી તેમણે આ અંગે પોલીસમાં અરજી પણ કરવામાં આવી હતી. જોકે, મકાન નમી પડતા ઘરનાં તમામ સભ્યો ઘરની બહાર આવી ગયા હતા. અને બીજા દિવસે 18મી તારીખે બપોરે આ મકાન ધરાશાયી થયું હતું.