અમદાવાદમાં બુટલેગર અને તેનો મળતીયો લાખોનો વિદેશી દારુ ઠેકાણે પાડતા હતા ત્યાં અચાનક ત્રાટકી પોલીસ

અમદાવાદ(ગુજરાત): અમદાવાદમાં પોલીસ અવારનવાર મોટી સંખ્યામાં દારૂનો જથ્થો જપ્ત કરે છે. ત્યારે અમદાવાદ શહેરમાં વધુ એક વાર પોલીસે દારૂનો જથ્થો કટિંગ દરમિયાન જ જપ્ત કર્યો છે. મળતી માહિતી અનુસાર, નારોલ પોલીસે ધર્મકુંજ એપાર્ટમેન્ટના સામેના મેદાનમાં વિદેશી દારૂનું કટિંગ કરતાં હતાં ત્યારે ત્યાં પોલીસે દરોડા પાડ્યા હતા.

ધર્મકુંજ એપાર્ટમેન્ટ સામેની બાવળની ઝાડીવાળા મેદાનમાં બુટલેગર અને તેનો મળતીયો દારૂનો જથ્થો બહારથી મંગાવીને ઠેકાણે પાડતો હતો. નારોલ પોલીસે આ દરમિયાન પેટ્રોલિંગમાં હતા. ત્યારે ત્યાં દારૂને સગેવગે કરવાની કામગીરી થતી હોવાની માહિતી મળી હતી. પોલીસે મેદાનમાં બૂટલેગર અને તેના મળતીયાઓના વાહનમાં ફેરાફેરી કરવા વાહનો લઈને આવેલા હતા તે સમયે રેડ કરી હતી.

પોલીસના દરોડામાં આરોપી સિરાજુલહસન મહેંદીહસન, નલીન ઉર્ફે નયન કાંતિભાઈ સોલંકી, વિશ્વરાજસિંહ દિલીપસિંહ ચૌહાણ, સંજયભાઈ મધુભાઈ વાસફોડાની ધડપકડ કરી હતી.