કોરોના, ડેન્ગ્યુંના કહેર વચ્ચે હવે આ વાયરસે મચાવ્યો હાહાકાર- 140 કેસ નોંધાતા આરોગ્ય વિભાગ થયું દોડતું

ડેન્ગ્યુ(Dengue)ના કહેર વચ્ચે હવે ઝીકા વાયરસ(Zika virus)નો કહેર આરોગ્ય વિભાગ માટે નવી સમસ્યા બની રહ્યો છે. એક મહિના પહેલા કાનપુરના એક એરમેનમાં ઝીકા વાયરસની પુષ્ટિ થયા બાદ હવે ચેપ ચાર જિલ્લામાં ફેલાઈ ગયો છે. સૌથી વધુ અસરગ્રસ્ત કાનપુરમાં 133 લોકોમાં સંક્રમણની પુષ્ટિ થઈ છે, જ્યારે બુધવારે રાજધાની લખનૌમાં વધુ બે નવા સંક્રમિત મળી આવ્યા બાદ દર્દીઓની સંખ્યા હવે વધીને પાંચ થઈ ગઈ છે. આ ઉપરાંત કન્નૌજ અને ઉન્નાવમાં પણ એક-એક દર્દી મળી આવ્યો છે. જે બાદ યુપીમાં ઝિકા સંક્રમિત દર્દીઓની સંખ્યા વધીને 140 થઈ ગઈ છે.

બુધવારે, લખનૌના આલમબાગ અને એલડીએ કોલોનીમાં એક-એક દર્દીમાં ઝિકા વાયરસના ચેપની પુષ્ટિ થઈ હતી. બંને દર્દીઓમાં ડેન્ગ્યુ જેવા લક્ષણો દેખાઈ રહ્યા હતા, પરંતુ ટેસ્ટમાં ઝિકા પોઝીટીવ હોવાનું જાણવા મળ્યું હતું. જે બાદ આરોગ્ય વિભાગે આ વિસ્તારને કન્ટેનમેન્ટ ઝોન જાહેર કર્યો છે અને સંપર્કમાં આવેલા પરિવારના અન્ય સભ્યોની તપાસ માટે સેમ્પલ લીધા છે. આ સાથે આ વિસ્તારમાં એન્ટિ-લાર્વા ફોગિંગ અને કોન્ટેક્ટ ટ્રેસિંગ પણ કરવામાં આવી રહ્યું છે.

સંક્રમણને અટકાવવા આરોગ્ય વિભાગ થયું દોડતું:
કાનપુરમાં એક મહિના પહેલા પહેલો કેસ સામે આવ્યો ત્યારથી આરોગ્ય વિભાગ ચેપને રોકવાનો પ્રયાસ કરી રહ્યો છે. પરંતુ અત્યાર સુધીમાં 6 કિમીથી વધુ વિસ્તારને કન્ટેનર બનાવવામાં આવ્યો છે. એન્ટિ-લાર્વા ફોગિંગથી લઈને તમામ પ્રકારની સાવચેતી રાખવામાં આવી રહી છે, સાથે જ લોકોને જાગૃત કરવામાં આવી રહ્યા છે. રાજધાની લખનૌમાં ડીએમએ કોરોનાની તર્જ પર સંક્રમણને રોકવા માટે સૂચના આપી છે. ડીએમ અભિષેક પ્રકાશે કહ્યું છે કે જે વિસ્તારોમાંથી દર્દીઓ આવ્યા છે તેમને કન્ટેનમેન્ટ ઝોન બનાવીને સઘન તપાસ કરવી જોઈએ. એટલું જ નહીં, તપાસ માટે ઘણી ટીમો તૈનાત કરવામાં આવી છે, જે દરરોજ પોતાનો રિપોર્ટ આપશે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.