ગોજારો અકસ્માત: એક સાથે 17 લોકોની અંતિમયાત્રા નીકળતા ધ્રુસકે ધ્રુસકે રડી પડ્યું આખું ગામ

ઉત્તર પ્રદેશના કાનપુરમાં મંગળવારે એટલે કે ૮ જૂનના રોજ મોડી રાત્રે ગોઝારો અકસ્માત બન્યો હતો. કાનપૂરના કિસાન નગરમાં હાઈવે પર બસ અને ટેમ્પો વચ્ચે ટક્કર થઈ હતી. જેમાં કુલ 17 લોકોના મોત થયા છે. આ ગંભીર અકસ્માત દરમિયાન 30 થી વધુ લોકો ઘાયલ થયા હતા.

ઘટના સ્થળે ઉપસ્થિત લોકોના જણાવ્યા અનુસાર આ અકસ્માત બાદ આખા હાઈવે પર મૃતદેહો વેર વિખેર જોવા મળી રહ્યા હતા. તમામ ઘાયલોને હોસ્પિટલમાં લઈ જવા માટે એમ્બ્યુલન્સની પણ ઘટ પડી રહી હતી. ઇજાગ્રસ્ત થયેલા લોકોને ટેમ્પો અને અન્ય વાહનો દ્વારા નજીકની હોસ્પિટલ લઈ જવામાં આવ્યા હતા.

મળતી માહિતી અનુસાર રેસ્ક્યુ ટીમ અને પોલીસ દ્વારા ઘણા બીજા ઇજાગ્રસ્તોને હોસ્પિટલ ખાતે પહોંચાડ્યા હતા. આ ગમખ્વાર અકસ્માત જ્યારે હાઈવે પર ડિસીએમ નો ચાલક બસને ઓવરટેક કરી રહ્યો હતો ત્યારે બન્યો હતો. ત્યારે આ ટેમ્પો બંને વચ્ચે ફસાઈ ગયો હતો.