શેરી-શેરીએ જઈને રમકડા અને ચાદર વેચતા ફેરિયા પાસેથી મળ્યા કરોડોના દાગીના, જુઓ કેવી રીતે કરતા ચોરી?

ઉત્તર પ્રદેશના દેવરિયામાં, ખાંડ મિલના નિવૃત્ત જીએમના ઘરે કરોડોની ચોરીના સંબંધમાં એન્કાઉન્ટર દરમિયાન ચાર ચોરોની ધરપકડ કરવામાં આવી હતી. પોલીસના જણાવ્યા અનુસાર આ ચોરો રમકડાં અને ચાદર વેચવાના નામે ઘરની રેકડી કરીને ચોરીને અંજામ આપતા હતા.

પોલીસે ચોરો પાસેથી 23 લાખના દાગીના અને 1.75 હજાર રૂપિયાની રોકડ જપ્ત કરી છે. તેમની પાસેથી દેશી બનાવટની પિસ્તોલ અને જીવતા કારતુસ પણ પોલીસને મળી આવ્યા છે. આ તમામ ચોર સીતાપુરના રહેવાસી છે. આ ગેંગના સૂત્રધાર બાબુરામ ચૌહાણ અને વિનય ચૌહાણ બંનેની પોલીસે ધરપકડ કરી છે. પોલીસ હવે બાકીના દાગીનાને રિકવર કરવા માટે સીતાપુરમાં દરોડા પાડી રહી છે.

તમને જણાવી દઈએ કે દેવરિયાના બરારી ગામમાં સુગર મિલના રિટાયર્ડ જીએમ વશિષ્ઠ મણિનું ઘર છે. વશિષ્ઠ મણિ રાજ્યની ઘણી ખાંડ મિલોમાં જીએમ પદ સંભાળી ચુક્યા છે. તેમના ત્રણ પુત્રો અશ્વની, અજય અને અરુણનો આખો પરિવાર પણ આ જ ઘરમાં રહે છે. એક દિવસ ચોરોની આ ટોળકી રમકડું વેચવાના બહાને તેના ઘરે પહોંચી બધી તપાસ કરી.

આ પછી, આ ચોરોના અન્ય સાગરિતો બીજા દિવસે ચાદર વેચવાના બહાને પહોંચ્યા અને કિંમતી સામાન કયા રૂમમાં છે તે શોધી કાઢ્યું. ત્યાર બાદ આ ટોળકીના લોકો ચોરીનો પ્લાન બનાવીને 31 માર્ચના રોજ સાઇકલ પર ગામની બહાર પહોંચી ગયા હતા. બે સભ્યો બહાર રોકાયા અને બાકીના ચાર પાછળના ભાગેથી ઘરમાં પ્રવેશ્યા. ચોરો ત્યાંથી કરોડોના દાગીના લઈને ફરાર થઈ ગયા હતા.