November 04, 2024
તાજેતરમાં Instagram પર સૌથી વધારે કમાણી કરનારા સિલબ્રિટીઝનું લિસ્ટ જાહેર કરવામાં આવ્યું છે. Hopperhq.com શુક્રવારે ઈન્સ્ટાગ્રામ રિચ લિસ્ટ 2021ને જાહેર કરવામાં આવ્યું છે. આ લિસ્ટમાં કહેવામાં આવ્યું છે કે, હોલિવુડ, બોલિવુડ, સ્પોર્ટ્સ, મ્યુઝિક અને અન્ય ઈન્ડ્સ્ટ્રીના કયા સેલિબ્રિટીઓ છે જે ઈન્સ્ટાગ્રામ પર એક પોસ્ટથી સૌથી વધુ કમાણી કરે છે.
જાણવા મળ્યું છે કે, Instagram રિચ 2021 લિસ્ટમાં પ્રિયંકા ચોપરા જોનસ 27માં નંબર પર છે. પ્રિયંકાને Instagram પર 65 મિલિયન લોકો ફોલો કરે છે. તેને પોતાના અકાઉન્ટ પર એક પોસ્ટ શેર કરવાના 403000 ડોલર્સ એટલે કે આશરે 3,01,53,427 રૂપિયા મળે છે.
ઉપરાંત, આ લિસ્ટમાં ભારતીય ક્રિકેટ ટીમના કેપ્ટન વિરાટ કોહલીનો પણ સમાવેશ થાય છે. આ લિસ્ટમાં તે 19માં નંબર પર છે. 132 મિલિયન Instagram ફોલોઈંગ સાથે વિરાટને એક પોસ્ટ કરવાના 680000 ડોલર એટલે કે 5,08,79,232 રૂપિયા મળે છે.
Trending News
જણાવી દઈએ કે, પોર્ટુગલનો પૂર્વ સ્ટાર ફૂટબોલર ક્રિસ્ટીયાનો રોનાલ્ડો Instagram પર સૌથી વધુ કમાણી કરનારો પહેલા નંબરનો સ્પોર્ટ્સમેન છે. તેને Instagram પર 308 મિલિયન લોકો ફોલો કરે છે. અને તેને એક પોસ્ટ માટે 1604000 ડોલર્સ ચૂકવવામાં આવે છે.
ધ રોક નામથી જાણીતો એક્સ રેસલર અને હોલિવુડનો સૌથી વધુ કમાણી કરનારો કલાકાર ડ્વેન જ્હોનસન આ લિસ્ટમાં બીજા ક્રમ પર છે. તેના 250 મિલિયનથી વધુ ફોલોઅર્સ છે. તેમજ તે એક પોસ્ટ માટે 15,23,000 ડોલર્સ લે છે.
અરિયાના ગ્રાન્ડે તેના સંગીત માટે ઘણી જાણીતી છે. તેને આ લિસ્ટમાં 3જું સ્થાન મળ્યું છે. તેને 248 મિલિયન લોકો ફોલો કરે છે. જાણવા મળ્યું છે કે, તેને એક પોસ્ટ માટે 11,30,15,950 રૂપિયા મળે છે.
કિમની બહેના કાઈલી પણ સૌથી નાની ઉંમરની સૌથી વધુ કમાણી કરનારી બિઝનેસવુમન છે. આ લિસ્ટમાં તે 4માં ક્રમ પર છે. 245 મિલિયન લોકો તેને પસંદ કરે છે. તેને એક પોસ્ટ શેર કરવા માટે 11,17,93,032 રૂપિયા મળી રહે છે.
સિંગર અને એક્ટ્રેસ સેલિના ગોમેઝ પણ આ રેસમાં પાછળ નથી. 241 મિલિયન ફોલોઅર્સ સાથે તે આ લિસ્ટમાં 5માં નંબરે છે. તેને એક પોસ્ટ માટે 10,97,83,646 રૂપિયા મળે છે.
હોલિવુડની રિયાલીટી શોની સ્ટાર કિમ કર્દાશિયન સ્ટાર હોવાની સાથે બિઝનેસવુમન પણ છે અને એક પોસ્ટને હજારોની સંખ્યામાં લોકો લાઈક કરે છે. તેને 232 મિલિયન લોકો ફોલો કરે છે અને તેને Instagram પર એક પોસ્ટ કરવા માટે 10,61,59,505 રૂપિયા મળે છે. આ લિસ્ટમાં કિમ 6ઠ્ઠા ક્રમ પર છે.
આર્જેન્ટીનાનો જાણીતો ફૂટબોલર મેસી સ્પોર્ટ્સની દુનિયામાં ઘણો જાણીતો છે. તેનો સમાવેશ સૌથી વધુ કમાણી કરનારા સ્પોર્ટ્સ પર્સનમાં પણ થાય છે. Instagram રિચ લિસ્ટ 2021માં તે 7માં ક્રમ પર છે અને તેને 224 મિલિયન કરતા પણ વધુ લોકો ફોલો કરે છે. તેને અહીં એક પોસ્ટ શેર કરવા માટે 8,74,56,280 રૂપિયા મળે છે.
હોલિવુડની સુપરસ્ટાર સિંગર બિયોન્સી પણ આ લિસ્ટમાં 8માં નંબર પર છે. તેને 190 મિલિયન લોકો ફોલો કરે છે. જણાવી દઈએ કે, બેયોન્સીને એક પોસ્ટ માટે 8,58,18,540 રૂપિયા મળે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.