PM  મોદી અને અમિત શાહને મળી જાનથી મારી નાખવાની ધમકી -પોલીસને ફોન કરીને કરી 12 કરોડની માંગણી

Threat to kill PM Modi and Amit Shah: દિલ્હી પોલીસને વડાપ્રધાન નરેન્દ્ર મોદી અને ગૃહમંત્રી અમિત શાહને મારી નાખવાની ધમકી આપતા એક વ્યક્તિના બે ફોન આવ્યા હતા. અધિકારીઓના જણાવ્યા અનુસાર ફોન કરનારે બિહારના મુખ્યમંત્રી નીતિશ કુમારને મારી નાખવાની ધમકી પણ આપી છે. ફોન કરનારે 12 કરોડ રૂપિયાની માંગણી કરી છે. કોલ કરનારને શોધવા માટે દિલ્હી પોલીસ દ્વારા એક ટીમ બનાવવામાં આવી છે.

પોલીસે જણાવ્યું છે કે આરોપી દારૂ પીધેલો છે અને ટૂંક સમયમાં તેને પકડી લેવામાં આવશે. એક પોલીસ અધિકારીએ કહ્યું કે અમે તેના પરિવાર સુધી પહોંચી ગયા છીએ, તે આલ્કોહોલિક છે અને તેણે આજે પણ ઘણું સેવન કર્યું હતું. હાલમાં તે પોતાના ઘરે હાજર નથી. ટૂંક સમયમાં તેની ધરપકડ કરવામાં આવશે.

Delhi Police’s outer district police received two PCR calls today from a man who threatened to kill the Prime Minister, Union Home Minister and Bihar CM; a team deployed to locate the caller, say Delhi Police.

— ANI (@ANI) June 21, 2023

મળતી માહિતી મુજબ આજે સવારે લગભગ 10.46 કલાકે પીસીઆર કોલ આવ્યો હતો. ફોન કરનારે પોલીસને કહ્યું કે જો તેને 10 કરોડ રૂપિયા નહીં મળે તો તે બિહારના મુખ્યમંત્રી નીતિશ કુમારની હત્યા કરી દેશે. તેનું લોકેશન નાંગલોઈ વિસ્તારમાં મળી આવ્યું હતું. આ પછી સવારે 10.54 વાગ્યે તે જ વ્યક્તિએ ફરીથી ફોન કર્યો અને પોલીસને કહ્યું કે જો તેને 2 કરોડ રૂપિયા નહીં મળે તો તે વડાપ્રધાન નરેન્દ્ર મોદી અને અમિત શાહને મારી નાખશે. આ બંને કોલ મોબાઈલ નંબર – 09871493972 પરથી કરવામાં આવ્યા છે. તેનું સ્થાન પશ્ચિમ વિહાર (પૂર્વ) છે. આ ધમકીભર્યા કોલ મળ્યા પછી, એસએચઓ પશ્ચિમ વિહાર (પૂર્વ) અને તેમના 4 સાથીદારો તરત જ સ્થળ પર પહોંચ્યા.