November 05, 2024
છત્તીસગઢ(Chhattisgarh)ના રાજનાંદગાંવ (Rajnandgaon)માં એક અદ્ભુત વાછરડાનો જન્મ થયો છે. એક ખેડૂતના ઘરે ગાયે આ વાછરડાને જન્મ આપ્યો છે. આ વાછરડાને ત્રણ આંખો અને નાકમાં ચાર કાણાં છે. ગામના લોકો આને ચમત્કાર માની રહ્યા છે અને દર્શન માટે ખેડૂતના ઘરે ભીડ ભેગી કરી રહ્યા છે. જોકે ડોકટરો તેને કંઈક બીજું કહી રહ્યા છે. સાથે જ ચમત્કારની વાતને પણ ખારીજ કરી રહ્યા છે.
હકીકતમાં, રાજનાંદગાંવ જિલ્લા મુખ્યાલયથી 75 કિમી દૂર નવાગાંવમાં ત્રણ આંખવાળા વાછરડાનો જન્મ થયો હતો. તે સમગ્ર વિસ્તારમાં કુતૂહલનો વિષય બન્યો છે. તેની એક ઝલક જોવા લોકો લાંબી કતારમાં ઉભા છે. લોકો તેને ભોળાનાથનું સ્વરૂપ કહી રહ્યા છે. સાથે જ તેની પૂજા પણ કરવા લાગ્યા છે. આ ગામ ગંડઈ વિસ્તારની ગ્રામ પંચાયત બુંદેલીમાં આવે છે. નવાગાંવના હેમંત ચંદેલને ખેતી ઉપરાંત ગાય ઉછેરમાં રસ છે. તેમના ઘરમાં જર્સી ગાય છે.
ગાય છેલ્લા કેટલાક મહિનાથી ગર્ભવતી હતી. સાંજે સાત વાગ્યાની આસપાસ આ ગાયે એક વાછરડાને જન્મ આપ્યો છે, જેને ત્રણ આંખો છે. એક આંખ માથાની મધ્યમાં છે. એવું કહેવાય છે કે તેના નાકમાં બેને બદલે ચાર કાણાં છે. પૂંછડી પણ રુવાંટીવાળી છે. આ સમાચાર વિસ્તારમાં ઝડપથી ફેલાઈ ગયા છે. કેટલાક તેને ધાર્મિક આસ્થા સાથે જોડીને જોઈ રહ્યા છે તો કેટલાક વિજ્ઞાનનો ચમત્કાર કહી રહ્યા છે.
Trending News
આ ત્રણ આંખવાળા વાછરડાને જોવા માટે ગામના લોકો પહોંચી રહ્યા છે. આ વિસ્તારમાં આ પ્રકારની ઘટના પ્રથમવાર જોવા મળી છે. સ્થાનિક પશુચિકિત્સકો કહે છે કે આ કોઈ ચમત્કાર નથી. ડૉક્ટરોએ કહ્યું છે કે યોગ્ય ગર્ભનો વિકાસ ન થવાને કારણે આવું થાય છે. વાછરડાનું આ સ્વરૂપ હોર્મોનલ ડિસઓર્ડરને કારણે થયું છે. આમાં ક્યારેક ઘણા ભાગો પણ ગાયબ થઈ જાય છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.