CMHO ઓફિસ બની અખાડો: ત્રણ મહિલાએ ભેગા મળીને આરોગ્ય કર્મચારીના વાળ ખેંચીને માર્યો ઢોર માર- જુઓ વિડીઓ 

હોશંગાબાદ જિલ્લાની CMHO ઓફિસ ગુરુવારે એક અખાડો બની ગઈ હતી. અહીં મહિલા આરોગ્ય કર્મચારીઓ વચ્ચે ઘણી લાત અને મુક્કાબાજી થઈ હતી. એકસાથે 3 મહિલાઓએ એક મહિલાને તેના વાળ પકડીને જમીન પર પછાડી હતી. જે બાદ તેને ખેંચીને લાત અને મુક્કા મારવામાં આવ્યા હતા. લગભગ અડધો કલાક સુધી આ હંગામો ચાલુ રહ્યો. ઓફિસમાં હાજર લોકોએ તેનો વીડિયો બનાવ્યો છે આ ઝઘડાનું કારણ જૂનો વિવાદ હોવાનું કહેવામાં આવી રહ્યું છે.

મળતી માહિતી મુજબ પીપરીયાની મહિલા આરોગ્ય કાર્યકર હેમા રાઠોડ બપોરે કોઈ કામ માટે CMHO કચેરીમાં આવી હતી. દરમિયાન મહિલા ANM , તેની ડોક્ટર પુત્રી અને અન્ય મહિલાઓ અહીં પહોંચી હતી. તેણે મહિલા આરોગ્ય કર્મચારીને વાળથી પકડી અને લાત અને મુક્કો મારવાનું શરૂ કર્યું. તેને જમીન પર પછાડી દીધી હતી. આ દરમિયાન ત્યાં હાજર કોઈએ તેનો વીડિયો બનાવ્યો હતો.

હેમા રાઠોડ એ આ મામલે અનામિકા, અનમોલ તેમજ અન્ય યુવતી વિરૂદ્ધ પોલીસ સ્ટેશનમાં ફરિયાદ દાખલ કરી છે. ANM અનામિકા પણ પોતાની દીકરી ડૉ. અનમોલની સાથે ફરિયાદ દાખલ કરાવવા માટે મહિલા પોલીસ સ્ટેશન પહોંચી હતી. મળતી માહિતી અનુસાર, અનામિકના પતિ મદન વર્મા સાથેના સંબંધની શંકાને લઈને આ લોકો વચ્ચે વિવાદ થતો રહેતો હતો. આ જુના મામલાને લઈને ગુરુવારે મારામારી જોવા મળી હતી.