દર્દનાક મોતનો LIVE વિડીયો: બે બાળકીને કરંટ લગતા ત્રણ બચાવવા દોડ્યા- છેવટે પાંચેયના મોત

ગાઝિયાબાદ: હાલમાં પાંચ વીજ કરંટથી થયેલા મોતના CCTV ફૂટેજ સામે આવ્યા છે. આ વિડીયોમાં જોઈ શકાય છે કે, ટીનશેડ પાઈપ પકડવાથી બે બાળકીઓને કરંટ લાગ્યો અને તેને બચાવવા જતા બીજા ત્રણ લોકોનું પણ મોત નીપજ્યું. આ ઘટના 1 સપ્ટેમ્બર બુધવારે સવારે 9:49 વાગ્યે બની હતી. જેમાં એક બાળક રાકેશ માર્ગ પર શેરી નંબર-3 સામે રમેશની કરિયાણાની દુકાનમાંથી માલ ખરીદી રહ્યો હતો.

આ દરમિયાન, એક છોકરી તેની નાની બહેનને ખોળામાં લઈને છત્રી લઈને રસ્તા પર ચાલી રહી છે. રસ્તા પર પાણી ભરાવા અને વરસાદને કારણે તે થોડા સમય માટે દુકાનના ટીનશેડ નીચે જાય છે. આ દરમિયાન તે લોખંડની પાઇપ પકડે છે અને બંનેને કરંટ લાગવાથી નીચે પડી જાય છે.

આ જોઈને, દુકાન પર માલ ખરીદતો છોકરો ડરીને ભાગી જાય છે. લગભગ 50 મીટરના અંતરે ઉભેલો એક માણસ આ બધું જોઈ રહ્યો હતો. તે તરત જ દોડીને છોકરીઓ પાસે પહોંચે છે. આ દરમિયાન, તે ટીનશેડ પાઇપને પણ સ્પર્શ કરે છે અને તે પણ આંચકા સાથે નીચે પડી જાય છે. આ જોઈને તેના જ ઘરની બીજી મહિલા દોડે છે અને તે પણ ટીનશેડ પાઈપને સ્પર્શ કરતા જ તે પણ પડી જાય છે. આ રીતે, કુલ પાંચ લોકો વીજ કરંટને કારણે એક પછી એક જીવ ગુમાવે છે. વીજ કરંટથી મૃત્યુ પામેલા વ્યક્તિઓમાં માતા-પુત્રી, અન્ય બે છોકરીઓ અને એક યુવકનો સમાવેશ થાય છે.