ટોક્યો પેરાલિમ્પિક્સમાં ગોલ્ડ મેડલ મેળવીને સુમિત એન્ટિલે રચ્યો ઇતિહાસ- જાણો સંઘર્ષની કહાની

થોડા દિવસ અગાઉ જ ટોક્યો ઓલિમ્પિક્સમાં 86.5 મીટર દુર સુધી પોતાનો ભલો ફેંકનાર નીરજ ચોપરાને ગોલ્ડ મેડલ પ્રાપ્ત થયો છે. ઘણા વર્ષો બાદ દેશને ગોલ્ડ મેડલ મળ્યો છે ત્યારે નીરજ ચોપરાનું નામ સુવર્ણ અક્ષરે લખાઈ ગયું છે. હાલમાં આવા જ એક ગૌરવના સમાચાર સામે આવ્યા છે. ભાલા ફેંકનાર સુમિત એન્ટિલે ટોક્યો પેરાલિમ્પિક્સમાં ગોલ્ડ મેડલ મેળવ્યો છે.

સોમવારે પુરુષોની ફાઇનલમાં ગોલ્ડ મેડલ જીત્યો હતો. સુમિતે 68.55 મીટર દૂર બરછી ફેંકીને ગોલ્ડ મેડલ જીત્યો છે. સુમિત એન્ટિલનો આ થ્રો પણ વર્લ્ડ રેકોર્ડ બની ગયો છે. હરિયાણાના સોનીપતના રહેવાસી સુમિત એન્ટિલનો જન્મ 7 જૂન 1998 ના રોજ થયો હતો.

જ્યારે સુમિત 7 વર્ષનો હતો ત્યારે તેના પિતા રામકુમાર, જે એરફોર્સમાં પોસ્ટ હતા, બીમારીથી મૃત્યુ પામ્યા હતા. જ્યારે સુમિત 12 માં ધોરણમાં કોમર્સ ટ્યુશન લેતો હતો. 5 જાન્યુઆરી, 2015 ની સાંજે તે ટ્યુશન લીધા પછી બાઇક પર પરત ફરી રહ્યો હતો ત્યારે સિમેન્ટની બોરીઓથી ભરેલી ટ્રોલીએ સુમિતને ટક્કર મારીને તેને લાંબા અંતર સુધી ખેંચી ગયો.