બે દીકરાના પિતાએ ઘરમાં જ ગળે ફાંસો ખાઈ લીધો, સ્યુસાઈડ નોટમાં એવું લખ્યું હતું કે…

ગુજરાતમાં આજકાલ આત્મહત્યાની ઘટનાઓમાં ઝંગી વધારો થઈ રહ્યો છે. આર્થિક સંકડામણ અથવા તો વ્યાજખોરોનાં આતંકથી કંટાળીને કેટલાક લોકો આપઘાત કરી લેતા હોય છે. હાલમાં પણ આવી જ એક ઘટના રાજ્યમાં આવેલ જામનગર શહેરમાંથી સામે આવી રહી છે.

રાજ્યમાં આવેલ જામનગર શહેરમાં મેડિકલ સ્ટોરનાં સંચાલકે પોતાના ઘરે ગળે ફાસો ખાઇને આત્મહત્યા કરી લીધી છે. આત્મહત્યા કરતા પહેલાં એમણે સ્યુસાઈડ નોટ પણ લખી છે. જેમાં જમીનને લઇને ચાલી રહેલા વિવાદનાં ઉલ્લેખની સાથે જ કુલ 2 લોકોના ત્રાસથી પોતે આ પગલું ભરી રહ્યા હોવાનું સ્પષ્ટ જણાવવામાં આવ્યું છે. જેને કારણે સીટી પોલીસે એમના મૃતદેહને પોસ્ટમોર્ટમ માટે મોકલીને સ્યુસાઇડ નોટ કબ્જે કરીને આગળની તપાસ શરૂ કરી દીધી છે.

સ્યુસાઈડ નોટમાં જમીન બાબતે પરિવારને જાનથી મારી નાંખવાનો ઉલ્લેખ:
જામનગરમાંઆવેલ ખોડિયાર કોલોનીમાં આવેલ રોયલ એન્કલેવ NRI બંગલા નં. C-24માં રહેતા તથા રણજીત રોડ પર ચામુંડા મેડિકલ સ્ટોર ધરાવતા હિતેષ ચંદ્રકાન્તભાઈ પરમારે ગળે ફાંસો ખાઈને આત્મહત્યા કરી લીધી છે. હિતેશભાઈએ આત્મહત્યા કરતા પહેલા પોતાના પરિવારને સંબોધન કરાયેલ કુલ 2 પાનાની સ્યુસાઈડ નોટ લખી છે.

જેમાં કનુભાઈ તથા રમણભાઈના મોબાઈલ નંબરનો ઉલ્લેખ કરીને એના દ્વારા હેરાન કરાતા હોવાનો તથા ઘરના લોકોને જાનથી મારી નાખવાની વાતનો ઉલ્લેખ કરવામાં આવ્યો છે. આ સ્યુસાઇડનોટમાં જમીન લેવાની ધમકીઓ આપવામાં આવી એનો પણ ઉલ્લેખ કરવામાં આવ્યો છે.