રામદેવપીરના દર્શન કરીને નીકળેલા પટેલ પરીવારને નડ્યો જીવલેણ અકસ્માત

લોક દેવ બાબા રામદેવના દર્શન કરવા જેસલમેર જતા ભક્તોની કાર રવિવારે સવારે ટ્રેક્ટર સાથે ટકરાઈ હતી. સામ-સામેની ટક્કરમાં ત્રણ લોકોનાં મોત નીપજ્યાં હતાં અને પાંચ લોકો ઘાયલ થયાં હતાં. મૃતકોમાં બે કાર સવાર અને એક ટ્રેક્ટર ડ્રાઇવર શામેલ છે.

આ અકસ્માત સંગડ પોલીસ સ્ટેશન વિસ્તારમાં દેવીકોટ પાસે બન્યો હતો. કાર ટકરાતાંની સાથે જ ટ્રેક્ટર-ટ્રોલી પલટી ખાઈ ગઈ હતી અને ડ્રાઈવર નીચે દબાઇ ગયો હતો. તેનું ઘટના સ્થળે જ મોત નીપજ્યું હતું. પોલીસે મૃતકોમાંથી બેની ઓળખ ગુજરાતની અમરવાણીના જીગરભાઇ પટેલ અને રમેશભાઇ તરીકે કરી હતી.

પોલીસના જણાવ્યા મુજબ ડ્રાઈવર બાડમેરથી નહરી વિસ્તારમાં ખેતરમાં ટ્રેક્ટર લઈ રહ્યો હતો. તે જ સમયે, ટક્કર બાદ કારને ખૂબ જ નુકસાન થયું હતું. તેમાં રહેલા સાત લોકો અંદર ફસાઇ ગયા હતા. વિસ્તારના લોકોએ તેમને બહાર કાઢ્યા ત્યાં સુધીમાં બે લોકોનાં મોત નીપજ્યાં હતાં. ઈજાગ્રસ્તોમાંથી પાંચને દેવીકોટ ખાતે પ્રાથમિક સારવાર બાદ સારવાર માટે જેસલમેર મોકલવામાં આવ્યા હતા. ઈજાગ્રસ્તોમાંથી ત્રણની હાલત ખૂબ જ ગંભીર છે.

ઘટના સ્થળે પહોંચેલી પોલીસે જણાવ્યું હતું કે, આ દુર્ઘટના ફતેહગઢ વિસ્તારમાં થઈ હતી જ્યારે પ્રવાસીઓની એક કાર દેવીકોટ વિસ્તારમાંથી પસાર થઈ રહી હતી. આ દરમિયાન સામેથી આવતા ટ્રેક્ટરને જોરદાર ટક્કર મારી હતી. આ અકસ્માતમાં ટ્રેક્ટર અને કાર બંનેને નુકસાન પહોંચ્યું હતું. કારમાં સવાર બે લોકોનાં મોત નીપજ્યાં અને ત્રણથી વધુ ઘાયલ થયા. મૃતકોમાં બે ગુજરાતના રહેવાસી અને એક બાડમેરનો છે.