March 01, 2025
યુપી(UP)ના ગાઝિયાબાદ(Ghaziabad)માં એક દર્દનાક અકસ્માત થયો છે. અહીં આગને કારણે 100થી વધુ ગાયો આગમાં બળીને મોતને ભેટી હતી. ઈન્દિરાપુરમ પોલીસ સ્ટેશન(Indirapuram Police Station) વિસ્તારના કાનવાણી વિસ્તારમાં, રસ્તાઓ પર નિરાધાર બનીને રખડતી ગાયોને શ્રી કૃષ્ણ ગૌશાળાના નામે જમીન પર રાખવામાં આવી હતી.
એવું કહેવામાં આવ્યું હતું કે સોમવારે સવારે લગભગ 1.30 વાગ્યે ગૌશાળાની બાજુમાં સ્થિત ઝૂંપડપટ્ટી અને કબાટમાં આગ લાગી હતી. થોડી જ વારમાં આખી ગૌશાળા આગની લપેટમાં આવી ગઈ હતી. ઝુંપડપટ્ટી વિસ્તારમાં લાગેલી આગને ભારે જહેમત બાદ કાબૂમાં લેવામાં આવી હતી. ઉચ્ચ અધિકારીઓ ઘટનાસ્થળે પહોંચ્યા અને મામલાની તપાસ શરૂ કરી.
ગાઝીયાબાદ : ઝૂંપડપટ્ટીમાં લાગી ભીષણ આગ, 100થી વધુ ગાયો જીવતી બળી ગઈ#Ghaziabad #fire #cow pic.twitter.com/JjxLdTsk0w
— Trishul News (@TrishulNews) April 11, 2022
Trending News
શ્રી કૃષ્ણ ગૌસેવાના રાષ્ટ્રીય અધ્યક્ષે જણાવ્યું કે, ‘ઝૂંપડપટ્ટીમાં લાગેલી આગને કારણે 100થી વધુ ગાયો બળીને મૃત્યુ પામી છે. બધી ગાયો દૂધ આપતી ગાયો હતી. એવું કહેવામાં આવ્યું છે કે ત્યાં હાજર વ્યક્તિએ ગાયોને બચાવવાનો પ્રયાસ કર્યો, જ્યાં કેટલીક ગાયો ખોલ્યા પછી તેઓ ભાગી ગઈ હતી, પરંતુ મોટાભાગની ગાયો ગૂંગળામણ અને દાઝી જવાને કારણે મૃત્યુ પામી છે. જિલ્લા મેજિસ્ટ્રેટ રાકેશ કુમાર અને અન્ય પોલીસ અને વહીવટી અધિકારીઓ ઘટનાસ્થળે પહોંચી ગયા હતા.
આ ઉપરાંત સમાજવાદી પાર્ટીએ ભાજપ પર પ્રહારો કર્યા છે. આ ઘટના પર એસપીએ કહ્યું, ‘મોટી સંખ્યામાં જાનવરોના નુકશાનના સમાચાર છે. ભાજપ સરકારમાં ફાયર બ્રિગેડ ખતમ થઈ ગઈ છે. બુલડોઝરના પ્રચારમાં ફસાયેલી સરકાર એમ્બ્યુલન્સ અને ફાયર બ્રિગેડની સુવિધા પર ધ્યાન આપે તો જાનહાનિ ન થાય, પરંતુ ભાજપ શાસિત યોગી સરકાર માત્ર નફરતનો પ્રચાર કરે છે. ઘટના બાદ વિસ્તારમાં ભયનો માહોલ છવાયો છે. આટલી સંખ્યામાં ગાયોના મોત એ ખૂબ જ દુઃખદ ઘટના છે. ડીએમએ સંબંધિત અધિકારીઓ પાસેથી આ મામલે રિપોર્ટ માંગ્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.